Friday, April 5, 2024
Gjakova Presss

Arritje të nxënësve gjakovarë: Albi Macula

ALBI I PËRKUSHTUAR PËR LËNDËN E FIZIKËS

 Nxënësi i gjimnazit “Hajdar Dushi”, Albi Macula përsëri është vlerësuar ndër më të mirët në nivel vendi në garat e fizikës që janë mbajtur ditë më parë në  Departamentin e fizikës të Fakultetit të Shkencave matematiko- natyrore. Në garat për klasët  e 12-ta, Macula  këtë herë është ranguar në vendin e dytë, duke u bërë nxënësi i vetëm nga shkollat e Gjakovës që ka dalë ndër më të mirët në nivel vendi.  Albi edhe vitin e kaluar ishte pjesë e ekipit të fizikanëve të Kosovës që prezantoj shtetin tonë në garën ndërkombëtare në Rumani. Në intervistën e ditës në valët tona, Albi Macula,  gjimnazisti i shkëlqyeshëm në mësime   ka fol për dashurinë e madhe që ka për lëndën e fizikës.

Maturanti Albi Macula, që njëkohësisht është edhe një volejbollist i dalluar i KV “Vëllaznimi”,  ka qenë fare pranë vendit të parë në garat republikane të fizikës, por që edhe vendi i dytë e fut në ekipin e fizikaneve më të mirë të Kosovës, që do ta përfaqësojnë në arenën ndërkombëtare.

A ke pritur këtë sukses? 

Puna gjithmonë shpërblehet. Kam punuar shumë për të arritur këtë sukses. 

Pse është atraktive lënda e  fizikes?

Fizika është gjuha që përshkruan çdo gjë që ndodhë në natyrë. Nëse nuk të pëlqen fizika, ose je duke mësuar keq ose nuk ke hyrë thellë në të. Fizika është e kapshme për të gjithë derisa të vjen puna te matematika atëherë formulat janë tjera dhe puna është pak më e komplikuar. Por, çdo njeri, jam i sigurt, e gjen veten tek fizika sepse çdo pyetje që e ka rreth natyrës e gjen aty, te fizika. 

Puna e përbashkët individuale dhe në shkollë a ka pas ndikim?

Dihet se Gjimnazi njihet   si një prej shkollave më me renome në Gjakovë dhe një nga shkollat më të suksesshme. Unë kam pasur mbështetjen e madhe të mësimdhënësve të lëndës. Duhet të përmend kontributin e mësimdhënëses Florina Gjoka e cila gjithmonë ka qëndruar afër dhe më ka mbështetur në qëllimet e mia që i kam pas . Mendoj se këmbëngulja individuale për dije të reja në këtë fushë,  është primare. Pra, varet edhe nga puna dhe dashuria që ke për lëndën sikurse edhe  nga bashkëpunimi, konsultat, hulumtimet.

Sa ka ndikuar pandemia Covid 19 në mësime?

Pandemia më ka pamundësuar shkuarjen në Rumani në garat ndërkombëtare të fizikës, të cilat ishin planifikuar të mbahen në qershor 2020. Jemi detyruar ta mbajmë online këtë Olimpiadën evropiane të Fizikës dhe përmes kësaj forme online nuk arritëm ta japim maksimumin dhe  ta prezantojmë shtetin tonë në mënyrë të denjë, prapëseprapë jemi munduar me sa kemi mundur. U familjarizova me çështjen online dhe kur filloi edhe shkolla online unë nuk kisha vështirësi  me këtë metodë pune. Por,  mendoj se mësimi online nuk është mënyra më ideale për mësimin. Në klasë kur je prezent edhe ke hapësirë për të studiuar për të dhënë ide tjera për dallim nga mësimi online kur je i përqendruar vetëm tek ato detyra.

Si ka shkuar rrjedha e garave të Fizikës?

Gjithmonë Shoqata Kosovare e Fizikës si organizatore, lejon që vetëm vendet e para të komunave përkatëse të shkojnë  në garën Republikane. Gjakova është përfaqësuar me nxënësit e vendeve të para  nga klasa e nëntë deri tek e 12-ta.

Si ka qenë konkurrenca në garën republikane?

Sivjet konkurrenca ka qenë shumë e madhe. Diferenca e pikëve nga vendi i parw dhe i dyti, ku isha unë, nuk ishte e madhe. Për çështje pikësh dhe gabime të cilat e di që kisha mund me i evitu, unë jam penalizuar me vendin e dytë nuk mundem me thënë që jam penalizuar sepse është arritje sepse prapë se prapë kisha mundur të bëj më mirë….. (shkrimi plotë në revsiten Gjakovapress nr. 147-online)

Leave a Reply

Your email address will not be published. Required fields are marked *