FC Liburn e nisë mbarë Play Offi-n, Alaj futbollisti i ndeshjes

Kapiteni i skuadrës gjakovare, FC Liburn, Ramadan Alaj i ka dhënë “vulë” ndeshjes së parë gjysmëfinale me  Prishtina 01, duke e mposhtur me rezultat 4 me 1. Ai me bashkëlojtarët e vet arritën ta përmbysin rezultatin e pjesëlojës së parë nga 0 me 1 në 4 me 1 . Dy herë shënoi Alaj, një herë Selmanaj dhe një autogol i skuadrës mysafire.

Në pjesëlojen e parë mysafirët ishin më kërkues dhe dominonin lojën ndërsa në të dytën, moti nuk është parë lojë agile e FC Liburnit, të cilët gjatë 20 minutave nuk e ndaluan presionin ndaj portës mysafire.

“Ishte një lojë shumë e forte dhe me rëndësi të madhe. Arritëm ta kthejmë avantazhin në epërsinë tonë. Në pjesëlojën e dytë u dakorduam me trajnerët që mangësitë që kishim ti mënjanojmë dhe kjo solli sukses,” tha Alaj pas ndeshjes.

Javën e ardhshme zhvillohet ndeshja e dytë gjysmëfinale në Prishtinë. Në rast të fitores eventuale në Prishtinë,Liburni plasohet në Finalen e madhe,  në të kundërtën zhvillohet edhe ndeshja e tretë në Gjakovë ku edhe caktohet finalisti.

“Do ta kemi mjaftë vështirë në Prishtinë sepse skuadra kundërshtare luan mirë si vendase dhe ka futbollistë cilësorë, por ne do të japim maksimumin që në ndeshjen kthyese ta sigurojmë finalen” ka thënë Alaj duke shpresuar që të kalojmë sa më shpejtë këtë pandemi dhe të rikthehen tifozët tanë,lojtari i gjashtë.