Monday, June 10, 2024
Kulturë

Edhe një çmim ndërkombëtar për filmin e Norikes

 

Pas Roterdamit, Hong-Kongut  dhe Baselit  filmi kosovar “Në kërkim të Veneres” të skenaristës dhe regjizorës gjakovare NORIKA SEFA vlerësohet edhe në Spanjë!

Në Festivalin prestigjioz “Festival Internacional de Cine de Valencia”,   çmimi Moon of Valencia për rolin më të mirë i është ndarë aktorës në këtë film,  KOSOVARE Krasniqi.

Në film, regjisorja Norika Sefa portretizon me hollësi karakterin e Venerës një vajzë moderne që rritet në një mjedis tradicional, hierarkik.

 

Postimi i plotë i Qendrës Kinematografike të Kosovës më poshtë.

“Kosovare Krasniqi triumfon në Festivalin e Filmit në Valencia të Spanjës duke u zgjedhur si aktorja më e mirë në rol kryesor për filmin “Në kërkim të Venerës” të regjisorës Norika Sefa! Urime!!!”, shkroi profili zyrtar i Qendrës Kinematografike të Kosovës.

“Në kërkim të Venerës” është bashkëprodhim në mes të Kosovës dhe Maqedonisë së Veriut i prodhuar nga Circle Pruduction me bashkëproducent Igor Popovski dhe Gazmend Nela. Filmi gjithashtu është mbështetur edhe nga Komuna e Kaçanikut dhe Komuna e Prishtinës.

Norika Sefa ka studiuar Dramaturgji në Fakultetin e Arteve në Prishtinë, ndërkohë ka të kryer dhe një shkollë profesionale filmi në Danimarkë me drejtim në regji. Gjatë kësaj kohe realizoi disa filma të metrazhit të shkurtër, skenarin dhe regjinë e të cilave e bëri vet.

Leave a Reply

Your email address will not be published. Required fields are marked *