Dr.Gëzim Lipoveci: Kujdes nga vapa, mundë të ju sjellë telashe në shëndet
Të mërkurën po kalojmë një nga ditët me vapë të madhe . Meteorologët kanë thënë se sot do të jetë maksimumi i temperaturave gjatë kësaj jave, ku merkuri në termometër parashihet të arrijë deri në 38 gradë celsius. Deri në këtë kohë, ora 17.00, temperatura e ajrit në Gjakovë ka arrit 37 gradë celciuz. Indeksi UV mbetet i lartë, kujdes rrezeve direkte të diellit. Mjekët këshillojnë të sëmurët kronik dhe të moshuarit të mos ekspozohen në diell nga ora 10 deri në 17.00 dhe të konsumohen sa më shumë lëngje.
Dr. Gëzim Lipoveci, Internist, specialist i sëmundjeve të brendshme, ka sqaruar se temperaturat e tilla të larta sfidojnë organizimin tonë, posaçërisht të sëmurëve kronik.
“Deri në 30 gradë celciuz disi mundë të përballohet porse kur kalon këtë shkallë, atëherë gjërat vështirësohen sepse sfidohet organizmi, posaçërisht i atyre që kanë probleme kardiovaskulare, me tension të lartë, diabet dhe sëmundje tjera”, ka thënë Dr.Gëzim Lipoveci.
Në rrethanat e vapës ai ka këshilluar pacientët me sëmundje kronike për kujdes të shtuar, ikje nga piku i vapës, ushqimi i përzgjedhur, konsumimi i ujit të pijes dhe ilaçeve në kohën e caktuar.
“ Kur temperaturat fillojnë të rriten trupi i njeriut përpiqet ti normalizojë me anë të djersitjes. Nëse qëndroni në ambiente jashtëzakonisht të nxehta mund të zhvillohet hipertermia (temperaturë shumë e lartë e trupit). Edhe njerëzit që punojnë në ambiente ku ajrosja nuk është shumë e mirë dhe temperaturat janë të larta, mund të preken nga hipertermia. Prandaj duhet pasur një kujdes të veçantë posaçërisht ata që janë të prekur nga sëmundjet e sipërpërmendura dhe veçanërisht nga sëmundjet kardiovaskulare. Duhet konsumuar ujë më tepër dhe ti shtohet një rriskë limoni. Ushqimi duhet të jetë i payndyrshëm dhe në sasi më të vogël. Kjo vlen edhe për zvogëlimin e ushqimeve me sheqer. Nuk bënë të konsumohet raki, birrë, e as lëngje të gazuara. Të prekurit nga sëmundjet trombocitare në veçanti, duhet ti shmangen rrezeve të diellit ndërsa duhet të respektojnë këshillën për konsumimin e ilaçeve në kohën e rregullt dhe termine të pandryshuara,” tha Dr. Gëzim Gjini.
Kur jemi tek vapa lajme të mira vijnë për ditët e ardhshme për freski të ajrit. Sipas Instituti Hidrometerologjik të Kosovës, nesër pasdite nëpër disa territore të kufizuara paraqiten kushte për shi dhe stuhi. Temperaturat minimale do të lëvizin ndërmjet 17-19 gradë celsius, ndërsa maksimalet e ditës parashihen të lëvizin ndërmjet 34-38 gradë celsius. Do të fryjë erë e lehtë dhe lokalist e fortë nga drejtimi i juglindjes. Nga e premtja e tutje përpos rigave të shiut parashihen edhe rënie të temperaturave.
