Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Ta pastrojmë Gjakovën nga mbeturinat,  solli 150 mijë euro

Shumën e përfituar prej 150.000 Eurove komuna e Gjakovës do t’ia dedikoj plotësisht kompanisë publike komunale Çabrati, krejtësisht për blerjen e paisjeve dhe për rritjen e cilësisë së shërbimeve

Komuna e Gjakovës e ka fituar grant prej 150 mijë euro nga ministria e Ambientit dhe Planifikimit Hapësinor, ndërsa është vlerësuar si njëra prej komunave më të suksesshme në realizimin e aksionit tre mujor “Ta pastrojmë Kosovën”.
Ky vlerësim është dhënë sot në një ceremoni të mbajtur në Prishtinë, me ç ‘rast komuna e Gjakovës është njëra prej 4 komunave që kanë fituar grant nga 150 mijë euro, ndërsa që 6 komuna tjera kanë fituar nga 100 mijë euro.
Nga ministria e Ambientit dhe Planifikimit Hapësinor dhe Organizata “Let’s do it”, komuna e Gjakovës është vlerësuar për angazhimin, seriozitetin dhe suksesin e arritur gjatë 90 ditëve të fushatës, e madje edhe për vazhdimin e aksioneve individuale të pastrimit edhe pas përfundimit të fushatës 90 ditore.
Shpërblimin e fituar, në emër të komunës e ka pranuar kryetari i komunës Ardian Gjini, i cili mes tjerash ka thënë se komuna dhe të gjithë partnerët lokal të komunës janë të vendosur që ta krijojnë një ambient shumë më të mirë dhe ta mbajmë atë në nivel të lartë.