Vaksinimi po dëshmohet si faktor dominant i tejkalimit më të lehtë me pasojat e Covid 19. Gjakova ka mbi 105 mijë vaksina të administruara. Personat e vaksinuar e të prekur nga Covid po shërohen më shpejtë. Gjatë 24 orëve të shkuara nga Ministria e Shëndetësisë është raportuar për 232 pacientë të shëruar nga komuna e Gjakovës duke arritur numrin e përgjithshëm të të shëruarve në 9 mijë e 509.
Ndërkaq sa i takon rasteve të reja me Covid, është raportuar për 28 raste të reja duke ngritur numrin në 10 mijë e 833. Aktualisht në komunën e Gjakovës janë 1.100 raste aktive.
Në Spitalin e përgjithshëm Isa Grezda, sipas raportit te sotëm janë të spitalizuar gjithsejtë 28 pacientë të infektuar me Covid 19, dy më shumë se një ditë më parë. Gjatë 24 orëve të shkuara janë pranuar 5 pacientë të ri ndërkohë që është liruar një pacientë i shëruar. Nga numri përgjithshëm, 17 janë në oksigjeno-terapi dhe një në respirator.