Provimet e maturës shtetërore në vendin tonë janë përcjellë me zhvillime të shumta dhe “ethet” e maturantëve për suksesin. Të mërkurën, Drejtoria komunale e arsimit në Gjakovë, ka bërë publike rezultatet e testit të Maturës shtetërore për maturantët e 7 qendrave të mesme shkollore të Gjakovës.
Prej 2.269 maturantëve sa ju kanë nënshtruar testit të maturës në të dy fazat, 1047 maturant ose 46.14% e numrit të përgjithshëm të tyre kanë dalë me sukses pozitiv, kurse 1222 maturant ose 53.5% e numrit të përgjithshëm nuk ka arrit që ta kaloj testin në afatin e parë.
Ky rezultat, është për rreth 5% nën nivelin e mesatares së kalueshmërisë në Kosovë dhe dukshëm më i dobët se ai i vitit të kaluar.
Më të suksesshmit kanë dalë nxënësit e shkollës së mesme të muzikës “Prenk Jakova” me shkallë të kalueshmërisë prej 90%, pastaj ata të Gjimnazit Hajdar Dushi me 84.28%, pasojnë nxënësit e Qendrës profesionale “Gjon Nikollë Kazazi” me 80.47% të kalueshmërisë, ata të shkollës së mesme ekonomike me 31.7%, të gjimnazit Asllan Berisha të Rogovës me 29.7%, të shkollës së mesme të mjekësisë “Hysni Zajmi me 28.2% dhe të fundit me vetëm 2.06% kalueshmëri u radhiten nxënësit e shkollës së mesme teknike “Nexhmedin Nixha”.
Nga numri i përgjithshëm i maturantëve 1222 maturant të cilët nuk arritën ta kalojnë testin në afatin e parë, do të riprovohen sërish në afatin e dytë të testit të maturës që mbahet më 29 Gusht dhe 6 Shtator.