Komuna e Gjakovës, me rastin e kremtimin e gjashtëvjetorit të shpalljes së Pavarësisë së Kosovës organizon një agjendë të ngjeshur të veprimtarive kulturore e sportive.
Sipas zyrës për Informim të komunës agjenda e aktiviteteve, sipas datave,orës dhe vend mbajtjes së aktiviteteve do të jetë kështu:
Datë: 14.02.2014 ( e premte)
Ora11:00- Në hotel “Pashtriku” organizohet turneu individual në kick-boks.
Datë: 15.02.2014 ( e shtunë)
Ora 12:00- Në objektin e vjetër të ish Gjimnazit “Hajdar Dushi”, aktualisht Shkolla e Mesme Teknike “Nexhmedin Nixha” organizohet turneu individual në pingpong.
Ora 12:30- Në ambientet e shoqatës “Handikos” organizohet turneu individual në shah për të verbërit.
Ora 13:00- Në qendrën sportive në Junik organizohet takim festiv në futsall ndërmjet ekipeve Liburni-Juniku.
Datë: 16.02.2014 ( e diele)
Ora 11:00- Në qendrën sportive “Tuzi” organizohet turneu ekipor multietnik në futboll të vogël.
Ora 12:00- Në qendrën sportive në Junik zhvillohet ndeshja festive në hendboll, kategoria e femrave, ndërmjet ekipeve Vëllaznimi-Shqiponja.
Ora 17:00- Në foajeun e Pallatit të Kulturës “Asim Vokshi” bëhet hapja e ekspozitës së piktorëve gjakovarë të cilët jetojnë në Shkup.
Ora 18:00- Në sallën e Shkollës së Muzikës “Prenk Jakova” me koncert festiv do të prezantojnë nxënësit e shkollës.
Ora 19:00- Në sallën universale të Pallatit të Kulturës “AsimVokshi”, shoqata “Sofra Gjakovare” nga Shkupi do të shfaqë koncert festiv.
Datë: 17.02.2014 (e hënë)
Ora 09:00- Homazhe në varrezat e dëshmorëve dhe të martirëve të komunës.
Ora 11:00- Në sallën universale të Pallatit të Kulturës “Asim Vokshi” organizohet kuizi i diturisë “Atomi” në të cilin marrin pjesë nxënësit e shkollave të komunës.
Ora 14:00- Në Shkollën e Muzikës “Prenk Jakova” organizohet orë letrare e organizuar nga Komuna e Gjakovës, Klubi Letrar “Gjon Nikollë Kazazi” dhe Qendra Kombëtare e Poetëve, Shkrimtarëve dhe Artistëve “Gjakova” .
Ora 16:00- Në sallën universale të Pallatit të Kulturës “Asim Vokshi” organizohet koncert festiv për fëmijë.
Ora 19:00- Në sallën universale të Pallatit të Kulturës “Asim Vokshi” organizohet koncerti i pavarësisë, ku do të prezentojë Orkestra e Komunës së Gjakovës.
