57 pacient të dyshuar me Covid po trajtohen në Spitalin e Gjakovës

Në komunën  e Gjakovës sërish ka trende të shtimit të infeksioneve me covid 19. Brenda 24 orëve të fundit janë regjistruar 23 raste te reja, duke e ngritur numrin e të infektuarve nga fillimi i pandemisë në 2 mijë e 460. Ka pasur një rast të vdekjes (80 vjeç) duke e ngritur numrin e rasteve të vdekjeve në 100. Kurse numri i përgjithshëm i të shëruarve ka arritur në 2 mijë e 87. Raste aktive janë 273.

Në spitalin e përgjithshëm në Gjakovë  po trajtohen 57 pacient  për COVID 19, prej tyre, 27 me oksigjeno-terapi dhe 3 me CPAP maskë. Nga të trajtuarit këtu, 32 pacient janë të konfirmuar pozitiv, 21 negativ, ndërkaq 4 prej tyre janë të pakonfirmuar. E gjendjen më të rënduar e kanë tre pacientë me CPAP maskë, është bërë e ditur  në  raportin e ditës së sotme të spitalit “Isa Grezda“