Wednesday, April 10, 2024
AktualeLajme

Akademi përkujtimore me rastin e 30 vjetorit të vdekjes së Kadri Kusarit-Dushit

kadri-KusariNën patronatin e Komunës së Gjakovës dhe në bashkëpunim me Shoqatën e ish të Burgosurve dhe të Përndjekurve Politik të Kosovës, Dega e kësaj shoqate në Gjakovë organizoi akademi përkujtimore me rastin e shënimit të 30 vjetorit të vdekjes së profesor Kadri Kusari-Dushi, ish i burgosur dhe i përndjekur politik në Gjakovë. Në këtë akademi përkujtimore të pranishmit i ka përshëndetur kryetarja e Komunës, Mimoza Kusari Lila, ndërkaq më pas kanë folur Adem Demaçi, Hydajet Hyseni, Muhamet Rogova e të tjerë. Në fjalën përshëndetëse, kryetarja Mimoza Kusari Lila ka foliur me pietet për figurën emblematike kombëtare dhe arsimore, Kadri Kusari –Dushi.

Kryetarja  Mimoza Kusari Lila th se ‘ Sot, tridhjetë vite më parë në Gjakovë ishte tërë koncentrimi i patriotëve të Kosovës dhe atyre të diasporës, ndokush fizikisht e ndokush me mendje, sepse toka për të cilën me unin e tij aq shumë i dedikohej si atdhe, po e merrte përjetësisht Dushin, Kadri Kusarin, njeriun e veçantë të kohërave të veçanta. I veçantë në qëndrimin, durimin dhe mentalitetin e tij, jashtë atij mentaliteti të turmës së kohës, me një mentalitetit të ndërtuar nga vetja e parë, shumë më ndryshe nga çfarë e kërkonte koha’.

Më tutje ajo tha se ‘Kadri Kusari ishte ndërtuar në karakterin e tij të mospëruljes, të nënçmimit jo vetëm të terrorit mental dhe fizik të ish sistemit dhe ish shtetit të cilin gjithnjë e refuzonte, nuk e pranonte, dhe e ironizonte, porse i qëndronte edhe pa u strukur. Deri në pafundësi, deri në nënçmimin tjetër që i bëri hiq më pak se vehtes, e që mund ta bëjë vetëm njeriu i posaçëm, idealist, duke mos kursyer shëndetin për bindjet dhe qëllimin e tij’

‘Me një personalitet si Kadri Kusari, mburremi përherë sepse jeta e tij ishte sakrificë dhe kurajo për ne!’ përfundoi Kusari Lila

Gjatë fjalës së tij, veprimtari Adem Demaçi ka kërkuar që në sheshin më të mirë të Gjakovës të ngritët një përmendore për Kadri Kusarin, për njeriun kombëtar, që siç tha Demaçi, ishte më i riu, më trimi por dhe më i pafati ndër ne.