Akademia e futbollit e Vëllaznimit perspektivë për talentët

Klubi i futbollit Vëllaznimi vëmendje të veçantë po i kushton talenteve të rinj. Në kuadër të klubit me sukses po vepron akademia e futbollit ku po marrin pjesë talentët e rinj të këtij sporti më të popullarizuar në botë. Interesimin e grupmoshave të reja po e shton perspektiva që klubi u ka ofruar atyre për ta dëshmuar talentin e tyre edhe në arenën ndërkombëtare. Së shpejti pritet që këta talentë  të marrim ftesa zyrtare për gara brenda dhe jashtë Kosovës. Siç bënë të ditur, Artan Muhaxhiri, nënkryetar i klubit,  deri me tash  FC Vellaznimi ka marrë ftesë për pjesëmarrjen e grupmoshave U14 dhe U15 ne Landskrona Cup në Malmö të Suedisë, pastaj  ftesa kanë ardhur edhe nga Holanda, Gjermania e Luksemburgu, të cilat së shpejti do të bëhen publike.

Nga dita e sotme kanë filluar edhe  regjistrimet e reja të cilat  mund të bëhen tek stadiumi i qytetit, ndërsa do të zgjasë  deri të shtunën ne orën 17:00.

Të theksojmë se Akademia e futbollit të Vëllaznimit po punon me programet e avancuara të futbollit modern që u jep mundësi futbollistëve të grupmoshave të reja ta profesionalizojnë talentin e tyre për futbollin.