Friday, March 22, 2024
Lajme

Aksident tek rruga transite, për 24 orë 3 të tjera në rrugët regjionale

Dy persona kanë pësuar lëndime të lehta trupore si pasojë e një aksidenti që ndodhur sot paradite në rrugën transite në Gjakovë. “Në këtë aksident kanë qenë të përfshira një veturë dhe një kamioni i cili ka përfunduar me dëme materiale dhe lëndime të lehta”, ka thënë komandanti i trafikut rajonal në Policinë e Kosovës, Kapiten, Albin Sahatqija. Ai shtoi se aksidenti ka ndodhur në momentin kur vetura ka ndërruar shiritin e rrugës, nga e majta në të djathtën dhe ka goditur kamionin e më pas edhe shtyllën elektrike dhe një automjet të parkuar.

Sahatqija ka thënë se gjatë 24 orëve të shkuara në rrugët e Gjakovës, Rahovecit dhe Malishevës, që janë nën përgjegjësinë e Drejtorisë rajonale të Policisë së trafikut në Gjakovë, kanë ndodhur 3 aksidente trafiku, 2 në Gjakovë dhe një në Rahovec. Nga këto aksidente ka pasur një të lënduar dhe në dy raste ka pasur vetëm dëme materiale. Për mosrespektim të rregullave të trafikut, janë shqiptuar 175 tiketa.

Në nivel vendi në 24-orët e fundit kanë ndodhur 43 aksidente trafiku, 12 prej tyre ishin me persona të lënduar kurse 31 tjerë raportohen të kenë qenë vetëm me dëme materiale.

Leave a Reply

Your email address will not be published. Required fields are marked *