Aleanca Kosovare e Biznesit për Rrafshin e Dukagjinit mbajti Kuvendin zgjedhor

Aleanca Kosovare e Biznesit(AKB) për Rrafshin e Dukagjinit, të shtunën në mbrëmje mbajti Kuvendin zgjedhor ku iu  bë një rekapitullim  punës së deritashme si dhe u zgjodhën organet e reja. Në këtë Kuvend ishte i pranishëm edhe kryetari i AKB, Agim Shahini I cili foli për  të arriturat,  aktivitetet dhe sfidat me të cilat përballet biznesi kosovar. Ai inkurajoi bizneset e Gjakovës, me një traditë të mire të punës,  që bashkërisht të punojnë për të tejkaluar sfidat dhe për të arritur suksese të reja në rrethanat e vështirësuara globale.

Delegatët rizgjodhën kryetar të AKB-së për Rrafshin e Dukagjinit  Argjend Fetahun ndërsa nënkryetar Visar Podrimja. Fetahu tha se ky  Kuvendi i shtatë  AKB-së në Gjakovë erdhi  me të arritura të kësaj Alenaca që ka bashkuar bizneset private për një zhvillim të qëndrueshëm ekonomik.”Na presin përpjekje të vazhdueshme edhe në të ardhmen”, ka thënë Fetahu pasi mori drejtimin e ri të AKB-së.

Kuvendi zgjedhor i Aleancës Kosovare të Biznesit  zgjodhi edhe organet drejtuese, kryesinë dhe  delegatët për në Kuvendin qendror që do të mbahet me 30 Nëntor në Prishtinë.