Friday, April 26, 2024
AktualeKulturëLajme

Ali Podrimja i kthehet vendlindjes në bronz

ali podrimja...Gjakova nga dita e hënë ka edhe një shesh të vecantë dhe mjaft domethënës. Në përvjetorin e vdekjes, mbrëmë u bë zbulimi i shtatores dhe përurimi i sheshit “Ali Podrimja”, pranë objektit të shkollës së parë shqipe në Gjakovë.

Në përurim kryetarja e komunes Mimoza Kusari Lila  tha se po rikthehet i skalitur ne bronz, në Gjakovën e tij, poeti i madh ALI PODRIMJA.

ali podrimja. 23.Edhe prej këtu, Ali Podrimja do të shëtisë me mendjen e tij kudo në botë. Nga këtu nuk kalon pa kaluar dhimbjen e tij familjare jetësore, Lumin e tij, të birin, pastaj lumin e jetës së tij, Drinin e Bardhë dhe deri tek lumenjtë, ishujt, pyjet, shtetet, qytetet, sheshet e njohura dhe të panjohura. Dhe, prapë i arratisur në botën e tij të lirë, do na kujton fjalët e Dritëro Agollit për Aliun, se “qe një zog i lirë që udhëtonte pa fund, e si një zog edhe fundin e pat larg folesë”, por sonte Gjakova e rikthenë në djepin e saj, poetin i cili në heshtje qmallet me lumin e tij.
Kusari Lika ka falenderuar  skulptorin Luan Mulliqi për veprën që me shumë dashuri e dhuroj për parkun Ali Podrimja dhe për gjithë Gjakovën.
Komuna ka falenderuar  fondacionin “Behgjet Pacolli”, I cili  mundësoi që në Gjakovë, pranë shkollës së parë Shqipe, pranë shkollës së Muzikës, pranë Kullës së Sylejman Vokshit, të ket edhe një park i cili lidh bukur pjesën e vjetër me pjesën e re të qytetit.

ali podrimja. 1..Skulptori Luan Mulliqi, si krijues dhe mik i poetit, ka pohuar se ndjehet krenar se Gjakovës po i rikthehet dinjitetit kulturor. Fjalë përkujtuese për poetin ka shprehur edhe krijuesi dhe përkthyesi Agim Byci, pastaj Hysen Ibrahimi, kryetar i shoqatës “Papa Klementi XI” në Suedi, si dhe Gent Salihu, nipi i poetit, i cili ka falënderuar gjithë kontribuuesit që Ali Podrimja, pos bustit tani në qytetin e tij të lindjes ka edhe sheshin me emrin e tij.

Me 21 korrik, dy vite më parë ka ndërruar jetë shkrimtari, Ali Podrimja. Trupi i pajetë i Podrimës është gjetur i vdekur pranë lumit në një park në Lodeve të Francës, në kohën kur i ndjeri po merrte pjesë në festivalin e letërsisë “Zëri i mesdheut”.

Ali Podrimja lindi më 28 gusht 1942 në Gjakovë. Shkollën fillore dhe gjimnazin i kreu në vendlindje, ndërsa Fakultetin Filozofik, Gjuhë dhe Letërsi Shqipe, në Universitetin e Prishtinës. Në vitin 1966 zë punë në gazetën e përditshme “Rilindja”, në rubrikën e kulturës. Më 1976 kalon në edicionin e botimeve “Rilindja”, ku udhëheq bibliotekat: Poezia shqipe, letërsia botërore dhe letërsitë e ish-bashkësisë jugosllave. Bëhet anëtar i LSHK dhe i PEN-it shqiptar. Në vitin 1996 u zgjodh anëtar korrespondent i ASHAK, ndërsa në vitin 2000 zgjidhet anëtar i rregullt.

Poezinë e parë “Arabja” e botoi në revistën “Jeta e re” nr. 4, 1957. Po kjo revistë në vitin 1961 botoi dhe librin e tij të parë “Thirrje”. Më pas vijnë përmbledhjet “Shamijat e përshëndetjeve”(1963), “Dhimbë e bukur” (1967), “Sampo”(1969), “Torzo”(1971), “Lum, lumi”(1982), “Zari”, “Buzëqeshje në kafaz”, librat në prozë “Burgu i hapur”(1998), “Harakiri” etj. Përveç poezive, Podrimja ka shkruar ese e tregime. Ka bashkëpunuar me revistat, gazetat e sitet online në gjuhën shqipe brenda dhe jashtë atdheut. Ka fituar çmime të shumta letrare në Kosovë, Shqipëri, por edhe jashtë kufijve. Librat e tij janë botuar, ribotuar dhe përkthyer në disa gjuhë.

ali podrimja. 2..Një aktivitet tjetër letrar i ka paraprirë këtij aktiviteti, ku shoqata “Papa Klementi XI” ka bërë përurimin e veprës “Thesari Kombëtar 3”, ku janë përmbledhur krijime, intervista dhe aktivitete të shoqatës.

ali podrimja. promovimi libritFjalë përshëndetëse ka mbajtur edhe kryetarja Mimoza Kusari Lila, e cila ka shprehur vlerësimin për aktivitetet e kësaj shoqate për aktivitete krijuese kombëtare në Suedi.