Thursday, April 4, 2024
Sporti

Amir Abrashi kalon pushimet festive në Gjakovë

Amir Abrashi  e kryetarja
Në takim me kryetaren e Komunës së Gjakovës, zonjën Mimoza Kusari – Lila. Gjithmonë ndihem mirë kur jam në vendlindjen time.

 
Festat e fundvitit kanë sjellë në vendlindjen e prindërve të tij në Gjakovë, futbollistin e shquar të Grasshopersit të Zvicres dhe njëkohësisht të kombëtares së Shqipërisë, Amir Abrashin. Fillimisht Amirin e ka pritur kryetarja e  Komunës së Gjakovës,  Mimoza Kusari – Lila e cila e ka përgëzuar për sukseset që po arrin në fushën e gjelbër duke afirmuar futbollin shqiptar në arenën ndërkombëtare. Ndërkaq Amir Abrashi I ka dhuruar të parës së komunës, fanelen me numrin 22 që e bartë në ndeshjet futbollistike.
Amir Abrashi ka pasur një takim edhe me një grup të tifozëve gjakovarë “Kuqe zinjtë e Jakovës” të cilët i thanë se me paraqitjet e tij i bënë gjithmonë krenar.
amir abrashi
Gjatë vizitës në vendlindjen time në Gjakovë. Në takim me trajnerin kosovar të Anderlechtit, legjendën Besnik Hasi.

 
Abrashi ka postuar edhe një foto me trajnerin e  Anderlechtit, legjendën Besnik Hasi.
” Gjithmonë ndihem mirë kur jam në vendlindjen time” është shprehur ylli i  futbollit Amir Abrashi gjatë qëndrimit në Gjakovë.
Ai  është një ndër titullarët e padiskutueshëm të skuadrës zvicerane, ndërkohë që edhe në takimet e fundit ka qenë gjithnjë zgjedhje e parë nga ana e trajnerit të Shqipërisë, De Biazi. Mesfushori është nën kontratë me Grasshopers edhe për një sezon tjetër, por gjasat janë që të shitet, teksa kërkesat e skuadrave eminente te futbolit  për gjakovarin kanë qenë të shumta.
Amir Abrashi kuqeyinjt
Me tifozat Kuqezinjt e Jakoves