Arberie Nagavci, që ditë më parë është përmendur si anëtare e re e Komisionit Qendror të Zgjedhjeve (KQZ) nga radhët e AKR-së, ne vend te Fadil Malokut, të martën para gazetarëve ka bërë të ditur se përfundimisht e ka refuzuar këtë ofertë dhe gjatë procesit zgjedhor nuk do të jetë pjesë e këtij organizmi.
Sipas Nagavcit refuzimi kryesisht ka të bëjë për çështje parimore, konkretisht dëshirë dhe vullnet individual për ta respektuar Kushtetutën dhe ligjet e Republikës së Kosovës. Nagavci e cila fillimisht tha se e ka pranuar ofertën e AKR-së, ka ndërruar mendje duke i parë zhvillimet e fundit në KQZ, konkretisht debatet rreth heqjes së logos së Republikës së Kosovës në fletëvotim, veprim i cili sipas Nagavcit, nëse ndodhë, është kundër ligjor dhe në dëm të vendit.
Ajo ka shtuar se para dy muajve kishte pranuar ofertën e AKR-së që të jetë pjesë e KQZ-së duke menduar se ky organizëm është krejtësisht teknik dhe jo politik.
“Nuk jam anëtare e asnjë subjekti politik, por kam pranuar ofertën e AKR-së para dy muajve për të kontribuar në mbarëvajtjen e punës së KQZ_së dhe ne momentin kur u ben debate te zjarrta ne media rreth logos unë u terhoqa, sepse keto jane çeshtje politike ”, deklaroi Nagavci.
Pas ketyre deklarimeve të shprehura lidhur me qëndrimin e saj rreth kandidimit për përfaqësuese në KQZ nga ana e AKR-së, kjo parti ka sqaruar për opinionin publik versionin e Negavcit për këtë çështje.
“Znj. Arbërie Nagavci nuk është tërhequr por, për shkak se ka shfaqur shenja të pasigurisë për angazhimin e saj në KQZ, të ndërlidhura me zhvillimin e karrierës së saj në sfera tjera, AKR ka vendosur ta nominojë një kandidat tjetër”, thuhet në një komunikatë për shtyp të AKR-së.
“Znj. Nagavci nuk është tërhequr, por AKR ka vendosur ndryshe dhe për këtë e ka njoftuar edhe znj. Nagavci mbrëmë, deri kur ajo ka qenë në pritje të konfirmimit për emërimin e saj. Pasi ende nuk kemi pasur konfirmim nga zyra e Presidentes për shkarkimin e z. Maloku dhe emërimin e znj. Nagavci, debatin për njëçështje hipotetike e konsiderojmë të panevojshëm. Përderisa nominimi i znj. Nagavci nuk u zyrtarizua në emërim nga Presidentja, AKR duke mos dashur të ndëhyjë në planet e karrierës së znj. Nagavci dhe duke dashur të ofrojë zgjidhjen më të mirë për pëfaqësim në KQZ, ka bërë një propozim tjetër”, thuhet ne kete sqarim te deges se AKR_se ne Gjakove.