Ardian Kozniku: Jam i gatshëm ti ndihmoj futbollit kosovar

Krenaria e Gjakovës , legjenda e futbollit kosovar Ardian Kozniku këto ditë po qëndron në vendlindjen e vet, në Gjakovë prej nga ka nisë rrugëtimin e tij si futbollist. Ai pasi kontribuojë si futbollist në shumë skuadra të njohura të futbollit, në Kosovë, Kroaci, Qipro, Francë, Austri dhe me përfaqësuesen e Kroacisë në vitin 1998 kishte fituar medaljen e bronztë në Kampionatin Botëror. Nga vitit 2002 duke jetuar në Zagreb, kishte vazhduar me profesionin e trajnerit, duke drejtuar skuadra të grupmoshave nga të rinjtë e deri tek seniorët.

Ardiani është i lidhur ngushtë me vendlindjen dhe Kosovën, ndaj ka shprehë dëshirën që përvojën e tij të gjatë në futboll t’ ia dhuroi Kosovës, I bindur se sporti është ambasadori më I mirë I një shteti.

“Kroacia është shembull I mirë se si me sukseset e përfaqësueses së futbollit është madhëruar shteti. Këtë rrugë duhet ndjekur edhe në Kosovë” tha Kozniku.

Legjenda e futbollit kosovar Ardian Kozniku ka ndjekur ndeshjet e përfaqësueses së Kosovës me Haitin, Turqinë dhe Senegalin,  dhe perkunder humbjeve ai ka thene se Kosova eshte e fituar. Ai ka thene se duhet pasur durim sepse perfaqesuesja e Kosoves eshte në fillimet e saj. Kozniku   ka shprehur publikisht dëshirën për të drejtuar reprezentacionin e Kosovës në futboll.

“Po unë jam I gatshëm edhe e shprehi dëshirën për të kontribuar qenë pjesë  reprezentacionit të Kosovës”, ka thënë Kozniku në një emision sportiv në Radio Gjakova duke kuptuar punën ekipore dhe jo vetjake.

Ai poashtu ka thënë se vetëm nuk mundë të arrihet asgjë, por në mënyrë ekipore dhe se  për të krijuar një reprezentacion të mirë duhet kohë për ti provuar lojtarët më të mirë të mundshëm.

Kozniku tha se ka pasur biseda me kreun e Federatës së Futbollit të Kosovës  të cilëve u ka shprehur gatishmërinë e tij për të ndihmuar futbollin e Kosovës dhe ,  … “edhe po të mos jem selektorë do ti ndihmojë reprezentacionit”.(gjakovapress.info)