Ardit Tafarshiku:Muzika dhe sdudimet inspirim për karrierë

Gjakova njihet si qendër e muzikës dhe talentëve. Muzika,  që ndër shekuj është kultivuar në Gjakovë ka bërë një rrugëtim të sigurt fal brezave të tërë të solistëve e grupeve muzikore. Gjakova gjithmonë ka jetuar me këngën. Ka nxjerrë shumë emra të shquar të muzikës të cilët kanë tejkaluar edhe kufijtë.  Shumë familje gjakovare me një përkujdesje të veçantë e kanë përcjellë traditën për muzikën. Një nga këngëtarët e brezit të ri është edhe Ardit Tafarshiku. Ai ka trashëguar dashurinë për këngën nga I ati, Fatliku-Naki, i cili për shumë vjet e edhe sot nuk I ndahet këngës. Arditi ka nisë një rrugëtim të sigurt drejtë skenës muzikore. Ka nisur me këngën për fëmijë për të kaluar I sigurt tek kënga popullore. Kush është Arditi?, mësoni në intervistën që bëmë për Gjakovapress.

Cila ka qenë hit kënga që e keni interpretuar me më ëndje gjatë vitit që e përcollëm?

Dihet që verën që po e lëmë pas ka pasur shumë këngë të dëgjuara nga unë në bashkëpunim me kolegun tim Jeton Cermjanin dhe Grupin ‘Promo Band’, por njëra ndër më të kërkuarat dhe të pëlqyerat nga publiku ka qenë kolazhi me këngë të Shqipërisë se mesme dhe kënga ‘Sikur sytë e ballit’ , këngë kjo e stilit ‘turbo folk’, që u prit shumë mirë nga publiku.

Nuk e keni pasur vështirë ti përkushtoheni këngës, pasi kishit përpara traditën e babait?

Jam i biri i Fatlik Tafarshikut ose siç njihet me emrin e ti karakteristik Naki ,një këngëtar i muzikës popullore të mirëfilltë qytetare, një emër që ishte i pranishëm në çdo aheng dhe gëzim në familjet  gjakovare qysh në vitet e  80-ta e të 90-ta  së bashku me grupin e ti ShKA Metaliku. Babai im përveçse është një prind i shkëlqyer për mua, ai poashtu më mbolli tek unë dashurinë për artin. Më dhuroj admirimin për muzikën prej nga i bëra fillet e para. Qysh në moshë të re e dëgjoja me vëmendje dhe qysh atëherë fillova   ta ndjeja dashurinë për muzikën tonë të bukur dhe të mirëfilltë,  gjë që vazhdoj ta ndjej edhe sot.

Kush është Arditi?

Jam 21 vjeçar . Sa I përket arsimimit, tani jam student në vitin e dytë në Universitetin e Tiranes- Fakulteti i bujqësisë, me synimet që të bëhem një agronom i zellshëm dhe i suksesshëm. Aktualisht kontribuoj edhe në Ndërmarrjen bujqësore të drejtuar nga vet familja e jonë , ngase edhe babi im është një agronom me përvojë 35 vjeçare. Mundohem te jem i saktë dhe i përpiktë në sfidat dhe ballafaqimet qe i hasim gjatë drejtimit të kësaj ndërmarrje .

Sa të ka ndihmuar apo penguar marrja me muzikë, në shkollimin tuaj?

Në këtë rast mund të them se më ka ndihmuar, sepse muzika, siç mund ta quajmë ne,  është ushqim i shpirtit,  e cila te unë ka reflektuar në motivim për arritjet  e mia pozitive si në shkollim ashtu edhe në punë.

Si nisi karriera jote?

Karriera ime filloi në moshën 7 vjeçare,  ku sëpari herë mora pjesë në Festivalin ‘Gjeniu i Gjakoves’  pastaj Festivali  Gjakova 2004 , 2005 dhe shumë festivale të tjera. Unë si çdo fëmijë tjetër i talentuar atëherë e donim shumë muzikën  dhe kërkonim ta shpërfaqeshim talentin. Ato prezantime në skenë para publikut më ndihmuan shumë. Kështu hap pas hapi arrita  të krijojë hapësirën artistike të personalitetit tim nga ajo kohë e deri me sot

A është vështirë të bësh emër në muzikë, kur dihet se në Gjakovë ka shumë këngëtarë?

Dihet pra edhe një herë po e them se Gjakova ka dhënë gjithmonë kultivues dhe artistë në fusha të ndryshme,  sidomos në kulturën muzikore si këngëtarë të zot dhe instrumentalist virtuoz. Pra edhe  unë si një kultivues dhe solist i muzikës së mirëfilltë qytetare po mundohem   të sjelli një produkt artistik timin origjinal,  si në debutim ashtu edhe në kultivimin e muzikës sonë . Do të mundohem të jem i sinqertë dhe i dashur për publikun.  Në bazë të kësaj,  të kem dhe unë  hapësirën time ku mund ta shprehi origjinalitetin tim artistik.

Sa e kanë mbështetjen këngëtarët e rinj nga këngëtarët me përvojë?

Duke u bazuar në rrjedhjen e ngjarjeve dhe rasteve gjatë përvojës sime si këngëtar i ri,  mund te them se kam hasur në përkrahje nga instrumentistët të moshuar dhe me përvojë shumëvjeçare. Kam mirëpritur lëvdatat e kritikat nga solistët e popullarizuar. Këto më kanë ndihmuar që unë si këngëtarë të ndërtoi stilin tim të interpretimit.

Cili është repertori I këngëve që më së shumti I këndon Arditi?

Së pari më takon të përmendi si një gjakovar që jam , repertorin tonë shumë të pasur me këngë të bukura gjë që më bën të ndihem krenar ne çdo cep të trojeve tona , duke vazhduar me perlat e muzikës shqipe , këngët e Elbasanit, pra  këngët  e Shqipërisë së mesme si dhe këngët e lehta qytetare shkodrane dhe korçare.

Sa jeni të kërkuar nga adhuruesit e muzikës?

Si këngëtar i ri mund ta them që jam në një rrugë ku nga adhuruesit e muzikës së mirëfilltë më kushtojnë vëmendje dhe poashtu më ofrojnë përkrahje,  gjë që më bën të ndihem krenar dhe duke më bërë që të vazhdoj ti kënaq me produkte të mirëfillta dhe të pëlqyeshme nga ta.

Sa I takon albumeve muzikore a ka Arditi ndonjë album të vetin apo në duet?

Këtë vit kemi punuar se bashku me kolegun tim Jeton Cermjanin disa këngë duke u munduar ti prekim të gjitha motivet  e muzikës sonë të mirëfilltë shqipe. Kjo rezultoi shumë e pëlqyer nga publiku. Duke u bazuar nga pëlqimi i publikut kemi marrë iniciativë që në ditët në vijim të dalim me projekte të reja muzikore. Shumë shpejt mendojmë ta plasojmë  me këngë të zgjedhura nga gjitha trevat shqipfolëse, gjë që shpresoj  se ka për tu pëlqyer nga publiku i gjerë.

Cilat janë planet e mëtejme?

Planet e mia të mëtejme janë të ofroj origjinalitet të  ndërthurur me modesti e sinqeritet për publikun dhe rrethinë ku jetojë. Duke u bazuar ne këto tipare pres të realizoj projekte të reja muzikore të cilat shpresoj që do të jenë të pëlqyera nga publiku. Po ashtu synoj të diplomohem dhe të jem një person i ndërgjegjshëm ndaj sfidave jetësore që do vijnë në të ardhmen .