Për 10 mijë banorë të lagjes së Cabratit në Gjakovë, shërbimet e mjekut familjar dhe të stomatologut në dy ndërresa do të jenë fare pranë, ngase komuna, me 80 mijw euro tw investuara ka ngritur dhe pajisur objektin e ri të Qendrës së Mjekësisë Familjare i cili solemnisht u përurua të martën.
Objekti i ri i Qendrës së Mjekësisë Familjare në lagjen e Çabratitit, ndërtuar në afërsi të Fakultetit të edukimit shtrihet në një sipërfaqe prej 210 metra katror dhe ka 7 dhoma pune për shërbime ndaj pacientëve.
Drejtori I Drejtorisë për Shëndetësi, Krist Deda tha se kjo drejtori ka ndarë 70 mijë euro për ndërtimin e objektit dhe 10 mijë euro të tjera për pajisje.
“Ka qenë kërkesë e vet banorëve që të kenë një objekt shëndetësor dhe ne këtë kërkesë ua përmbushëm duke e ndërtuan këtë godinë të bukur”, tha Deda duke kujtuar tash pacientët që të mos shkojnë në Qendrën Kryesore të Mjekësisë Familjare, për të krijuar tollovi por që shërbimet ti marrin këtu.
Deda ka shtuar se për mungesë buxheti stafi punues I mjekëve dhe motrave do të jetë nga QKMF-ja.
