Tuesday, April 9, 2024
LajmeSporti

Basketboll: Vëllaznimi: Peja 71:88 (38:42)

VëllaznimiBasketboll

 

Në një atmosferë të këndshme sportive, në Pallatin e Sporteve në Gjakovë të shtunën në mbrëmje  u zhvillua ndeshja e javës së pestë të BKT Superligës së Basketbollit Kosovar, në mes të Vëllaznimit, anëtarit të ri të kësaj lige dhe Pejës, skuadrës që ka investuar më së shumti në fondin e lojtarëve. Ky takim përfundojë me rezultat 71:88. Gjakovarët i bënë rezistencë të madhe skuadres pejane posaçërisht në çerekun kur e parë që u mbyll me rezultat të barabartë 21:21 dhe kur në skuadrën vendase funksionojë gjithçka mirë. Në çerekun e dytë të lojës, mysafirët arritën të krijojnë një epërsi prej katër pikash (17:21) e për ta vazhduar në dy pjesëlojët tjera. Qereku i tretë u mbyll me rezultat 52:65 dhe kjo erdhi si rezultat i aplikimit të lojës presing nga ana e pejanëve.. Në këtë kohë tek Vëllaznimi ndjehej lodhje dhe humbje e koncentrimit, ndërkohë që mysafirët me Dardan Berishën e shkëlqyeshëm dhe Samir Shaptohoviqin,   tregoheshin të saktë. Çereku i katërt dhe fundi i lojës u takojë tërësisht mysafirëve të cilët arritën ta mbyllin ndeshjen me rezultat 71:88.

Koshashënuesi më i mirë në radhët e Vëllaznimit ishte Denis Versalko me 16 kosha, ndërsa në radhët e Pejës Dardan Berisha me 30 shënime. Berisha para fillimit të ndeshjes mori çmimin e gazetarëve për basketbollistin e muajit tetor.