Basktbollistët e Vëllaznimit me fitore të thellë ndaj Vushtrrisë

U zhvilluan ndeshjet e para të “Play-off”-it në Ligën e Parë të Meshkujve, ndërsa skuadra që shënon dy fitore kualifikohet në finale. Vëllaznimi ka vazhduar me fitore sikurse në garat e rregullta edhe në “Play-off”, duke mundur Vushtrrinë me shifrat 106:67 (30:18, 28:15, 30:18, 18:16). Kuqezinjtë ishin më të mirë nga fillimi, duke qenë favoriti kryesor për të hyrë në elitën e basketbollit. Ndeshja u zhvillua në një atmosferë të këndshme sportive në mbështetjen e kuqezinjve të Jakovës. Kryetrajneri Shkumbin Kumnova aktivizoi edhe lojtarët e rinjë për tu dhënë  mundësi të tregojnë veten.

Më efikasi në radhët e Vëllaznimit ishte Green me 22 shënime pasuar nga Koshi dhe Azemi me nga 16 shënime.

Ndeshja tjeter e play-off u zhvillua mes Prishtina e re dhe New Basket që u fitua 71:72 nga prishtinasit.

Takimi këthyes Vushtria-Vëllaznimi luhet të premten.