Wednesday, June 5, 2024
AktualeLajme

Bie perdja e Mitingut të Poezisë në shenjë të Ali Podrimes

Të shtunen  në Gjakovë janë mbajtur aktivitetet e ditës së fundit përkatësisht të asaj qendrore të edicionit të 49-të të Mitingut tradicional të Poezisë, manifestimit më të madh të fjalës së shkruar në të gjitha trevat shqiptare. Aktivitetet në kuadër të kësaj feste të fjalës së shkruar, kanë nisur me nënshkrimin e aktit të binjakëzimit ndërmjet komunës së Gjakovës dhe komunës Lodevë, të Francës, dy qyteteve ku lindi përkatësisht vdiq poeti i madh shqiptarë Ali Podrimja.

Në solemnitetin e binjakëzimit, kryetari i komunës së Gjakovës Pal Lekaj, Podrimjën e ka quajtur poet të bashkimit të kulturave të popujve. Në këte solemnitet ka folur edhe në kryetari i komunës Lodevë, Hadi Madani, ndërkaq duke ju drejtuar të pranishmive, ambasadorja e republikës së Francës në Prishtinë, Marizë Davje, qytetin e Gjakovës e ka cilësuar si një qytet të kulturës dhe tolerancës.

gjakova-binjakezimi-300x225Foto: Gjatë nënshkrimit të marrveshjes për binajkëzim

Paradite në qytetin e Bajram Currit në Shqipëri është mbajtur ora tradicionale letrare. Një orë letrare për më të vegjlit, është organizuar në ambient të hapur para shtatores së nobelistes shqiptare Nëna Terezë ne Gjakove. Ndërkaq, në orët e pasdites është mbajtur Tribuna e Mitingut, e cila si temë qendrore kishte veprën e kolosit të poezisë shqipe Ali Podrimja. Ku, me kumtesat e tyre në këte temë u prezantuan poetët e njohur, Bashkim Kyqyku dhe Basri Qapriqi.

Mitingu i Poezisë në Gjakovë, sipas traditës është mbyllur me Orën e Madhe Letrare,në sallen e madhe te Pallatit te Kultures,  me ç’rast poezitë e tyre i lexuan  23 poet shqiptarë dhe mysafirë nga shtetet e ndryshme të Evropës. Në këtë orë letrare u ndan edhe shpërblimet tradicionale të mitingut. Çmimi Din Mehmeti  për veprën më të mire të botuar ndërmjet dy mitingjeve u takoj dy poetve: Ibrahim Berishes për librin “Fundi është i mundshëm” dhe Sabit Rrustemit për lirbin “Në fytyrën e një gjethi”. Shpërblimi për poezinë më të mire të lexuar në orën letrare, në këtë edicion i takoj poetes Ilire Zajmi për poezinë “Është herët për te vdekur”.  Ndërkaq, me shpërblimin e Shtëpisë Botuese “Fan Noli” për veper jetësore u nderua poeti Ibrahim Kadriu. Cmimi “Yllka Domi” i takoi poetes Migena Arllati.