Thursday, June 6, 2024
AktualeLajme

Bora zbardhi Gjakovën

1425731_584533075034233_7219719706608853225_n

Mëngjesi i ditës së diele e gjeti Gjakovën të zbardhur. Ndonëse festa e Vitit të Ri kaloi pa magjinë e bardhësisë së krijuar nga bora, qytetarët festuan si herëve tjera. Mirëpo ajo që mungoi në natën e ndërrimit të motmoteve, erdhi mbrëmë në orët e vona kur rrugët e vendit tonë nisën të mbuloheshin nga bora. Sipas Institutit Hidrometeorologjik të Kosovës, në kohën kur filluan reshjet e borës, vendi ynë  ishte i përfshirë nga masat e ajrit me presion të ulët atmosferik.

Bora e parë e këtij dimri ka gëzuar prodhuesit bujqësorë sepse do të shërbejë si një jorgan mbrojtës i grunajave nga ngricat, por njëkohësisht ka gëzuar edhe më të vegjlit që këtyre ditëve janë në pushime dimërore.

Në anën tjetër bora ka sjellë vështirësitë e para për trafikun, për çka shoferët duhet ti ngasin makinat me kujdes të shtuar dhe në rrugë të mos dalin pa pajisje e nevojshme dimërore.