Dega e Gjakovës e Kryqit të Kuq të Kosovës, mbështetje e fuqishme për familjet në nevojë

Organizata e Kryqit të Kosovës, dega në Gjakovë, me rreth 11 mijë anëtarë,  vazhdon të këmbëngulë të ju qëndroi pranë familjeve në nevojë përmes 6 programeve të saja. Është ky programi i Shëndetësisë ku hynë  Ndihma e parë, Edukimi shëndetësor i familjes dhe  dhurimi vullnetar i gjakut, pastaj Programi i mirëqenies sociale, ai komunikimit, shërbimi i kërkimit, gatishmëria dhe reagimi në fatkeqësi si dhe rinia. Një gjë të tillë e ka konfirmuar Fllanza Bakija-Lama, sekretare, të premten në Kuvendin e Kryqit të Kuq të Kosovës, dega në Gjakovë ku u shqyrtua raporti i punës së shkuar dhe programi i së ardhmes që bazohet në respekt të 7 parimeve themelore,  në humanitet, paanësi neutralitet, pavarësi, vullnetarizëm, unitet dhe universalitet . Sipas saj, edhe gjatë periudhës së shkuar katërvjeçare  por edhe gjatë viteve në vazhdim  detyrë parësore mbetet mbështetja e drejtpërdrejtë e familjeve në nevojë :

  “Në degën tonë janë të regjistruara 1.200 familje në nevojë, por në varfëri të skajshme janë 200 familje. Gjatë viteve 2017-2020 kemi pasur donacione me ushqim, higjienë dhe veshmbathje për nevojtarët. Me veshmbathje të dhuruara nga qytetarët janë ndihmuar 4.653 familje me 27 mijë e 120 anëtarë“, tha mes tjerash Fllanza Lama.

Bakija-Lama, ka falënderuar të gjithë partnerët e Kryqit të Kuq që e kanë mbështetur këtë organizatë . Ajo ka thënë  se përkundër angazhimit të vazhdueshëm nuk po arrihet të mbështetën të gjitha familjet që kanë nevojë për ndihma të ndryshme. Pjesë shumë e rëndësishme e programit të punës gjatë periudhës së ardhshme 4 vjeçare mbetet vetëdijesimi i popullatës  për të ndihmuar ato familje që kërkojnë mbështetje ndër më të ndryshmet:

 “Besojmë dhe shpresojmë se në të ardhmen këto vështirësi do të tejkalohen, sepse nuk varfërohemi nëse ndajmë pak nga vetja për të ndihmuar të tjerët”, ka thënë Bakija-Lama.