Thursday, June 6, 2024
AktualeLajme

Delegacione nga bota vizitojnë Gjakovën

Emiratete bashkuaraKryetarja e Komunës së Gjakovës, Mimoza Kusari Lila,  ka pritur të marten dhe të mërkurën  dy delegacione . Fillimisht me një  delegacion të lartë nga Emiratet e Bashkuara Arabe ka bërë një prezentim për historikun, kulturën, zhvillimet dhe planet për rimëkëmbje ekonomike të komunës së Gjakovës. Në këtë kontest, kryetarja Mimoza Kusari Lila ka vënë në pah projektet për Gjakovën, si një qytet digjital, të gjelbëruar, të kulturuar dhe një qytet me shkallë të lartë të arsimimit. Ka vizituar edhe Metalikun dhe Virxhininë,

Ndërkaq të mërkuren ka prit një delegacion prej 22 përfaqësuesve të Bankës Botërore, bashkë me shefin e Zyrës së Bankës Botërore në Kosovë, z.Jan Peter Olters. Në takim u diskutua për sfidat e nivelit qendror dhe atë lokal me të cilat është përballuar dhe përballet kryetarja e Komunës së Gjakovës, si një femër lidere në pozita udhëheqëse. Më tutje, kryetarja n ë mënyrë të detajuar ka prezentuar vizionin për rimëkëmbjen dhe zhvillimin e komunës së Gjakovës, resurset që i disponon për një zhvillim të gjithëmbarshëm ekonomik dhe social, dhe që si të tilla vlerësohen si mjaft të favorshme, përfshirë edhe infrasturkturën kadrovike dhe moshën e re të punës.

Për përfitime të mundshme për realizimin e projekteve të mundshme, sidomos ato që vlerësohen si më prioritare dhe më bazike, kryetarja Mimoza Kusari Lila para delegacionit vizitues dhe kontaktues ka bërë të ditura projekte nga më të ndryshmet. Mirëpo, për përfitime eventuale dhe të pritshme nga Banka Botërore, kryetarja Mimoza Kusari Lila ka vënë në pah edhe mungesën e krijuar me mosfunksionalizimin e Kuvendit të Kosovës, gjë që në mënyrë direkte ka shkuar në disfavor të moszbatimit të projekteve. Ndërkaq, z. Jan Piter Olters, shef i Zyrës së Bankës Botërore në Kosovë, ka pohuar se tani janë në fazën e identifikimit të  nevojave për mbështetje në zhvillimin e jetës së komunitetit, dhe njiherit me kryetaren Mimoza Kusari Lila edhe më tej do të diskutojmë për sfidat, nevojat dhe mundësitë për investime në zhvillimin e komunitetit në disa fusha të rëndësishme për zhvillimin e gjithëmbarshëm.