Pas dëmtimit në masë të madhe nga mendje dhe duar të pamëshirshme, të pandërgjegjshme dhe të paqytetëruara të ndriçimit publik në parkun e qytetit, Komuna e Gjakovës reagon ndaj këtyre veprimeve të pahijshme dhe jodinjitoze që mbi të gjitha shkatërrojnë pasurinë dhe buxhetin e vet qytetarëve dhe imazhin e qytetit.Pavarësisht nga kush mund të jenë të cytur, apo për çfarë inatesh të motivuara, ky gjest cilësohet si i shkallës më të ulët të mundshme të shkatërrimit të vehtes, andaj si akt i tillë është i dënueshëm dhe nga organet kompetente kërkohet që përmes hetimeve të identifikohen vandalët dhe të marrin dënimin e merituar për shkatërrimin e pasurisë shoqërore. Komuna e Gjakovës falënderon qytetarët e përgjegjshëm dhe me shkallë të lartë qyterarie të cilët përmes mënryave të ndryshme kanë shprehur indinjatën e tyre ndaj shkatërruesve dhe sjelljeve rrugaçore, pa asnjë imazh apo identitet qytetërues, që të paktën, Gjakova dhe qytetarët e saj nuk e meritojnë pasi njihen si qytetarë me vetëdije të lartë qytetëruese. Urojmë që akterët të identifikohen sa më parë dhe njiherit veprime të tilla huliganeske të mos përsëriten më, sepse është atak mbi vehten e tyre, mbi Gjakovën dhe institucionet e saja, thuhet ne kumtesen e Zyres per informim te KK te Gjakoves..
