Dimër në ditën e parë të pranverës!

Gjakova sot është zgjuar nën petkun e bardhë anipse sipas kalendarit të stinëve kemi hyrë në Pranverë.  Këto foto të shkrepura në Shkugëz,  këtë mëngjes,  flasin më së miri për një pejsazh dimri. Nuk është as janari e as Shkurti,  kur “pleqtë thonë se e ka vaktin”, por është fund i Marsit!!!

Zyrtarisht stina më e bukur e vitit Pranvera,  në hemisferën veriore  ka filluar dje  në 10:37 të mëngjesit. Por, ne jemi mësuar me 21 Marsin si ditë e parë e pranveres . Për pesë vitet e ardhshme, pranvera do të vijë tek ne më 20 mars, dhe këtë vit do të zgjasë deri më 21 qershor. Sido që të jetë, gjelbërimin, lulet dhe diellin sot në Gjakovë e ka zëvendësuar bora! Është një ditë tipike dimri.  Në të njëjtën kohë, për banorët e hemisferës jugore, fillon vjeshta..