Drejtoresha e USAID-it znj. Maureen Shauket ka vizituar të martën Gjakovën dhe me këtë rast ka përgëzuar kryetaren e komunës së Gjakovës, Mimoza Kusari Lilën për zgjedhjen e saj si femra e parë kryetare e një Komune në Kosovë.
“Jam këtu që ta uroj znj.Kusari Lila për fitoren duke shpresuar se do jetë njëra ndër shumë femra që do udhëheqin me vendin. Më duhet të them sot se çështjet e gruas nuk janë vetëm çështje gjinore por ato i takojnë edhe meshkujve, në mënyrë që duke u angazhuar të gjithë anëtarët, shoqëria në përgjithësi reflekton si e suksesshme. Sot me znj.Kusari Lila biseduam për bashkëpunimin tonë të ardhshëm dhe për kontributin që USAID do jep për Komunën e Gjakovës dhe ju siguroj se ky bashkëpunim së shpejti do të pasqyrohet me projekte konkrete” , theskoi Shauket.
Në anën tjetër Kusari – Lila ka falënderuar znj. Shauket për përkrahjen e vazhdueshme që USAID ka dhënë në vazhdimësi për Kosovën.
“Sot fillimisht e njoftova znj.Shauket për planet tona të para të cilat kanë të bëjnë kryesisht me organizimin e konferencës së donatorëve në fillim vitin e ardhshëm, si dhe me fokusimin që qeverisja Komunale e Gjakovës do ketë në transparencën e administratës, zhvillimin ekonomik dhe në përmirësimin e jetës së të gjithë banorëve të Komunës së Gjakovës. Njëjtë sikur do të angazhohemi për infrastrukturën dhe zhvillimin ekonomik, unë si kryetare e Komunës së Gjakovës do të mbështesë edhe zhvillimin dhe financimin e shoqërisë civile si një segment shumë I rëndësishëm I shoqërisë sonë”, tha znj.Kusari Lila.