Edicioni 14-të Lyra Fest vjen në rrethana të reja

Të shtunën dhe të dielen në Pallatin e Kultures Asim Vokshi në Gjakovë, prej ores 13.00, me pjesëmarrje të kufizuar të publikut, konform masave anti-covid dhe me respektim strikt të manualit për ruajtjen e shëndetit, mbahet manifestimi tradicional muzikor, Festivali mbarëkombëtar Lyra Fest. Në ditën e parë do të interpretohen këngë për fëmijë, ndërsa në mbrëmjen e dytë, te dielën këngë për të rinj. Qëllimi i këtij festivali është inkurajimi i krijuesve muzikor dhe interpretove të rinj. Ky do të jetë viti i 14 i këtij manifestimi që ka nxjerr talent të shumtë të muzikës nga Kosova dhe trojet shqiptare. Organizatori për më të mirët do të ndajë shpërblimet tradicionale. Vitin e kaluar Çmimi Lyra Fest 2019 i takoi  Lola Kaltrina – e cila interpretoi këngën e komponuar nga Memli Kelmendi.