Në ditët më të vështira që po kalon klubi i futbollit Vëllaznimi, timonin e kësaj skuadre e ka marr ish futbollisti dhe trajneri I shquar Ekrem Radoniqi. Këtë e ka bërë publike, Besnik Gojani, menaxheri i klubit. Ai është shprehur mirënjohës për gatishmërinë e Radoniqit i cili pa asnjë kompensim, në kohën më të vështirë do të drejtojë futbollistët deri në mbyllje të kampionatit.
Gojani gjithashtu ka falënderuar për kontributin e dhënë trajnerin e dorëhequr Gani Sejdiu si dhe trajnerin Haxhi Kurhasku.
Vëllaznimi ka pasur startin më të dobët në këtë kampionat. Nga 6 ndeshje ka pësuar 6 humbje, që nuk mbahet mend në historinë e gjatë 100 vjeçare të klubit kuq e zi.
Ndeshjen e radhës, Vëllaznimi e luan më 1 Tetor, si mysafir i Istogut.
