Fillon punën Instituti i Shëndetit Publik në objektin e ri tek Spitali

Pas telasheve që dolën me Qendrën Kryesore të Mjekësisë Familjare në kuadër të së cilës ishte edhe Instituti i Shëndetit Publik, ky shërbim vazhdon punën në ambiente të reja.  Të hënën  ka rinisur punën Instituti i Shëndetit Publik në Gjakovë, i vendosur tashmë në godinën e re të ndërtuar nga Ministria e Shëndetësisë së Kosovës, në oborrin e Spitalit Rajonal “Isa Grezda”.

dr. Afërdita Bicurri, drejtoreshë, në këtë qendër shëndetësore do të ofrohen shërbime dhe  analiza të ndryshme për pacientë, duke filluar nga strishoja e hundës, veshit e fytit pastaj urino-kultura,  e të tjera. Marrja e materialit bëhet nga ora 8 deri në orën 10 e 30, ndërkohë që pos ditëve të rregullta të punës,  kujdestarohet edhe gjatë ditës së shtune kur bëhet vetëm dorëzimi përkatësisht marrja e analizave.

Sa i përket stafit punues, aktualisht në Institutin e Mjekësisë së Punës në Gjakovë punojnë 3 mjekë specialist prej të cilëve 2 mikrobiolog dhe një i Mjekësisë  Sociale dhe vetëm 3 laborantë, që as për së afërmi nuk i plotësojnë kërkesat e këtij instituti.

Sipas  Bicurrit, stafi udhëheqës i kësaj qendre mjekësore, po bënë përpjekje të vazhdueshme për plotësimin e stafit të domosdoshëm, i cili mundëson rritjen e performances karshi kërkesave të pacientëve.