Prodhuesve të grurit në komunën e Gjakovës nuk po u shkon përshtati moti që po mbretëron në këtë fazë të hedhjes së farës në ara. Fushata e mbjelljeve sipas drejtuesve komunal të bujqësisë nuk po realizohet sipas dinamikës së paraparë për shkak të reshjeve të shpeshta të shiut dhe lagështisë së madhe. Mbi 4 mijë hektarë janë planifikuar të mbillen me grurë dhe kultura tjera të vjeshtës.
Lidhur me këtë fushatë, Agron Zorra, udhëheqës i sektorit të bujqësisë në Komunën e Gjakovës, thekson se çdo periudhë kohore të motit të mirë, fermerët është më se e domosdoshme që ta shfrytëzojnë maksimalisht, në të kundërtën, nëse rrethanat e tilla atmosferike mbretërojnë para arritjes së temperaturave të ajrit nën zero, mundë të rrezikohet plani i paraparë i mbjelljeve të vjeshtës.