Saturday, April 6, 2024
AktualeSporti

Garat automobilistike me shumë shikues

Me organizim të Federatës së Auto Sporteve të Kosovës dhe bashkëpunim me Auto Klubin ‘’Gjakova 137‘’    në Gjakovë, para një numri të madh të adhuruesve të këtij sporti u   mbajt  gara  automobilistike në disiplinën  slalom.  Garat u zhvilluan në  6 kategori varësisht nga fuqia e motorit të veturës..

AUTOMOBOLZEM
Fituesit dhe pjesemarresit e slallomit në Gjakovë

Liridon Kalenderi ka fituar garën e tretë të disiplinës rrethore të Kampionatit të Kosovës në Automobilizëm, që u mbajt në Gjakovë të dielën e që u përcoll nga mijëra dashamirë të sportit.

Kalenderi që me kartingun e tij përfaqëson Auto Klubin Gjakova fitoi kategorinë e gjashtë dhe pati kohën më të shpejtë duke kaluar shtegun për 2:28:245.
Përveç rezultatit të mirë, ai të pranishmit i argëtoi edhe me akrobacionet pas përfundimit të garës.

Ndërkohë, po thuaj në të gjitha kategoritë garuese u tregua rivalitet mjaft i madh. Në kategorinë e parë sërish i pari doli Refki Jakupi i Prizrenit D&G, i cili pati kohë prej 2:48.499, ndërsa për vetëm 328 të qindtat më i ngadalshëm ishte Kreshnik Mariqi nga po i njëjti klub.

Me rezultate të mira ka vazhduar edhe Përparim Dushi (Prishtina RT), i cili ishte i pari në kategorinë e tretë, me kohën 2:38.083.
Pas fitores në Prizren, serinë pozitive e ka vazhduar edhe Bekim Kadrija (Gjakova 137), i cili në kategorinë e katërt doli i pari, duke e kaluar shtegun për kohën 2:39. 319 minuta.

autoklubi gjakova 137
Autoklubi Gjakova 137

Në kategorinë e pestë, njëherësh më atraktive, triumfoi Flamur Ismaili (Prishtina RT) me kohën 2:35.958 minuta, ndërsa pas tij u rendit Erdin Opoja nga AK Prizreni.

Në plasmanin e përgjithshëm i pari doli Liridon Kalenderi (2:28.245 minuta), i dyti u rendit Flamur Ismaili (2:35.958), ndërsa i treti Korab Bajraktari me kohën 2:37.343.

Në konkurrencën ekipore, Pishtina RT doli e para, duke lënë prapa Prizrenin D&G dhe Ferizajn.