Gati për ndeshjen e së mërkures Kosova-Estonia

Një ditë para ndeshjes Kosovë- Estoni, ndjehet një atmsoferë pune në taborrin e kombëtares së Kosovës. Të martën në mbrëmje hendbollistët e përzgjëdhur nga selektori Taib Ramadani , në Pallatin e Sporteve Shani Nushi  në Gjakovë po ushtronin variantet e lojës për ndeshjen me Estonin. Ata kërkonin mënyrat më efikase për një përballje me një ekip të fuqishëm. Në fakt  Kombëtarja e Kosovës ka ndër sfidat më të vështira me Estoninë, në takimin që luhet të mërkuren  në orën 19.30. Atmosfera është e mirë në kampin e kombëtares së Kosovës, por të matur në përballje me estonezët. Djelmoshat janë të mobilizuar në çdo aspekt dhe kanë njohuri për kualitetet e kundërshtarit. Kastriot Jupa thotë se  Estonia ka një  ekip të papërshtatshëm, por jo edhe të pamposhtur. Dotë bëjmë përpjekje për të dëshmuar cilësitë tona. Ne do të luajmë për fitore”,  tha Jupa.

Hendbollistët tanë janë të motivuar pas barazimit në kryeqytet me rezultat 24:24 me Turqinë dhe kërkojnë edhe pikën e radhës. Pallati I sporteve në Gjakovë pritet të mbushet me shikues dhe të jenë edhe aleati më i madh për hendbollistët tanë që të bëjnë çka është e mundur për të shënuar fitoren e parë historike në kualifikimet për Kampionatin Europian 2020.  Kosova është në grupin B me Turqinë dhe Estoninë.  Për Estoninë është ndeshja e parë në këtë fazë kualifikuese, kurse për Kosovën e treta, pasi deri më tash ka një barazim (24:24) e një humbje (26:22) nga Turqia.

Selektori Ramadani tha se janë përgatitur mirë dhe se mungesta e disa lojtarëve që mungojnë janë munduar ti rikuperojnë me hendbolistë të rinjë.

“Jemi përgatitur mirë ndërsa hendbolistët do të japin maksimumin kundër Estonisë.”theksoi Ramadani.

Hendbollistët kosovarë presin edhe mbështetjen e publikut.

“Publiku gjithmonë na ka dhënë mbështetje dhe na ka motivuar shumë, prandaj edhe në ndehsje me Estoninë presim një përkrahje të tillë”, tha hendbolisti I shuqar nga Gjakova, Valon Dedaj, I cili me sukses tash e sa vite luan në Zvicer.

Në Pallatin e Sporteve është riparuar pjesërisht sistemi i ngrohjes së sallës nga Ngrohtorja e qytetit, ndërkohë që neser do të aktivizohet edhe ngrohtorja e brendshme e sallës për të krijuar kushtet optimale për një ndeshje ndërkombëtare sipas standardeve të EHF-it.