Friday, June 7, 2024
Aktuale

Gjakova me 12 hektarë Mjeder

MjedraMjedra, në të gjitha vendet konsiderohet si një bimë me pozitë të veçantë në mjekësi, por edhe si bimë shëruese, mjaft e shijshme. Mjedra është një shkurre e cila vjen nga Evropa juglindore, e gjithnjë e më shpesh po rritet edhe nëpër kopshte, ngjashëm sikurse edhe mollët, dardhët apo qershitë.  Kultura e mjedrës konsiderohet si një nga storiet më të mëdha të suksesit ekonomik në Kosovë, ndërsa  sipërfaqet e mbjella me këtë kulturë nga 400 hektarë sa ishin vitin e kaluar, këtë vit kanë arritur në mbi 1 mijë hektarë duke u rritur edhe prodhimtaria e mjedrës, ku sivjet pritet të arrijë në 5 mijë ton në nivel vendi, vlerësojnë në Ministrinë e Bujqësisë. Kosova mund bëhet një furnizues i shkallës së parë i mjedrave të freskëta dhe të përpunuara jo vetëm për tregun vendor, por edhe për atë të huaj. Vetëm në komunën e Gjakovës me mjedër janë të mbjellur 12 hektarë. Drejtoria Komunale e Bujqësisë, duke vlerësuar  kushtet e përshtatshme për kultivimin e mjedrës, tregun e sigurt për shitje dhe çmimin e leverdishëm gjithnjë ka  inkurajuar prodhuesit gjakovarë që të merren me  kultivimin e saj.

Bekim Ermeni drejtor i Bujqësisë në Gjakovë thotë se komuna ka mbështetur kultivimin e 5 hektarëve me mjedër dhe se kjo mbështetje do të vazhdoi edhe më tutje krahas asaj të Ministrisë së Bujqësisë.

Mjedra është pemë çudibërëse sepse ka shumë përbërës shërues në të.Është burim i shkëlqyeshëm i fibrave dietale (6,5 g). Është shumë e ëmbël e posedon pak kalori, që është arsye e mjaftueshme që të kënaqemi duke e konsumuar. Është e pasur me vitamina C e përmban edhe vitaminat e kompleksit B, vitamina E dhe K.