Këto mbrëmje të nxehta vere në Gjakovë po kalojnë me atmosferën e futbollit. Kampionati botëror I futbollit Brazili 2014, ka rrëmbyer edhe tifozerinë gjakovare. Kjo u pa edhe mbrëmë, gjatë zhvillimit të ndeshjes gjysmëfinale në mes të Brazilit dhe Gjermanisë e cila përfundoi me rezultat të lartë 7 me 1 në favor të gjermanëve, pothuajse në të gjitha objektet publike, restaurantet dhe qendrat tjera. Përmes videoprojektorëve është ndjekur me interesim të madh kjo ndeshje, e cila me rezultatin e arritur ka befasuar edhe parashikuesit më të mëdhenj.
Sonte ndërkaq do të zhvillohet ndeshja tjetër gjysmëfinale në mes të Argjentinës dhe Holandës. Edhe sonte pritet një atmosferë krejtësisht sportive dhe totalisht futbollistike edhe në qytetin tonë…
