Gjakova në fillim të këtij viti do të jetë nikoqire e një ngjarje të rëndësishme ndërkombëtare sportive. Nga data 9 deri më 11 janar 2015 në Pallatin e Sporteve Shani Nushi zhvillohen ndeshjet e turneut kualifikues të Kampionatit Botërorë të hendëbollit për përfaqësueset U21 ‘BRAZILI 2015’. Në ndeshjet kualifikuese që zhvillon përfaqësuesja e Kosovës, adhuruesit e hendëbolit në Gjakovë do të kenë mundësi të përcjellin seleksionet e Zvicres, Bellorusisë dhe Malit të Zi.
Pas 15 dite përgatitje intenzive dhe zhvillimit te dy ndeshjeve miqësore kontrolluese me seleksionin gjegjës të Bullgarisë, përzgjedhësi Alfred Llazari dhe kryetrajneri Verim Zherka kanë bërë të ditur listën përfundimtare te Përfaqëuses U21 për ndeshjet e turneut kualifikues. Lista përbëhet nga 17 lojtarë të cilët nga 2 janari të vendosur në ambientet e Hotel JAKOVA në Gjakove, kanë vazhduar stërvitjet e fazës përfudimtare para ndeshjeve kualifikuese.
