Atmosfera festive e Vitit të Ri në komunën e Gjakovës po ndjehet kudo. Gjithçka po kalon me ritëm të shpejtë. Gjithë po nguten për tu përgatitur sa më mirë.
Kur ka mbetur vetëm edhe një ditë nga nata e ndërrimit të vitit dhe secili po bëhet gati të festojë, duket se 2020-ten një pjesë të mirë të bashkëqytetarëve tanë do t’i gjejë pranë familjes në darken tradicionale të vitit të ri. Ky është momenti kur bashkërisht nëpër familje ngritën dolli dhe këmbehen urime më të sinqerta për një vit të mbarë.
Një pjesë tjetër natën më të gëzuar do ta kalojnë në ambiente hoteliere nën shoqërinë e grupeve dhe solistëve të shquar të muzikës dhe mënyrës së begatë.Të rinjtë tradicionalisht, pas orës 12.00, pasi momentet e nderimit të moteve i kalojnë festën e vitit të ri do ta kalojnë në sheshe dhe ambiente hoteliere në Gjakovë.
Një numër i bashkëqytetarëve festën e viti të ri do ta kalojnë jashtë Gjakovës, në Shqipëri dhe vende tjera. Sipas agjencisë turistike Armend Tours , vendi më i kërkuar dhe preferuar i gjakovarëve për ta pritur Vitin e Ri 2020 është Turqia, kryesisht Stambolli si dhe vendet e skijimit, Banjsko në Bullgari, Mavrova në Maqedoninë veriore apo edhe në Kollashin të Malit të Zi. Gjakovarët, sipas Armend Gjoshi , drejtuesit të kesaj axhencie, e zgjedhin Turqinë për shkak të çmimeve të volitshme dhe se nuk ka nevojë për vizë. Sipas Gjoshit rezervime për këtë festë ka edhe për Dubai.