Bilanci i përhapjes së Covid 19, në komunën e Gjakovës, që nga fillimi e deri me sot është : 16 të infektuar , 8 të shëruar dhe një rast vdekje që është shënuar sot e për të cilën ka bërër me dije Ministria e Shëndetësisë .
“Klinika Infektive e QKUK-së ka njoftuar se gjatë orëve të para të mëngjesit të datës 21. 04. 2020 në Mjekimin Intensiv të kësaj klinike ka ndërruar jetë pacientja V.P. me vendbanim në Gjakovë (1980) e diagnostikuar me Covid-19. E njëjta, ishte shtatzënë dhe ishte në mjekimin intensiv të klinikës që prej datës 15 prill 2020, ” thuhet në njoftimin e Ministrisë së Shëndetësisë të Kosovës.
Sipas kësaj Ministrie, kjo është vdekja e 13, e pacientëve me Covid-19 në këtë klinikë dhe e 16-ta në nivel të shtetit. Në Klinikën Infektive, QKUK, sot janë të hospitalizuar gjithsej 64 raste. Prej tyre të sëmurë me Covid -19 janë gjithsej 55 raste. Nga 55 pacientë të infektuar me Covid 19, 42 raste janë në gjendje stabile, 12 raste janë në trajtim me oksigjenoterapi dhe përkujdesje intensive dhe në mjekimin intensiv vazhdon të jetë në gjendje kritike një pacient në ventilim mekanik dhe përkujdesje intensive.
Sa I takon komunës së Gjakovës numri prej 16 të infektuarve janë raste kontakti por që gjysma prej tyre tashmë janë shëruar.
“Janë shëruar 8 anëtarët e tri familjeve më parë të prekura me Covid 19, ndërsa sot pritet të testohen edhe dy raste, dhe poçese dalin negativ, atëherë ky numër i të shëruarve mundë të shkoj në 10”, ka deklaruar Hilmi Shala ud. Spitalit të Përgjithshëm në Gjakovë.
