Gjatë këtij viti 2.400 banorë të rinj në Gjakovë

Gjatë vitit 2023  në komunën e Gjakovës  kanë lindur më pak foshnja  krahasuar me një vit më parë.  Sipas statistikave të regjistrimit të gjendjes civile,  në komunën e Gjakovës, gjatë vitit 2023 janë  regjistruar 2 mijë e 400 lindje,  që është për 53 numër më i vogël se i një viti më parë.  Numër më i vogël krahasuar me  vitin 2022,  janë regjistruar edhe tek kurorëzimet.

Sivjet kanë lidhur kurorë,  1 mijë e 52 çifte, që është për 93, numër më i vogël se në vitin 2022. Shifra më të ulëta sivjet janë regjistruar edhe tek shkurorëzimet. Gjatë këtij  viti, 145 çifte janë shkurorëzuar , që është për 48 numër më i vogël se i vitit të kaluar.

Sa i përket numrit të vdekjeve, shifrat janë të përafërta. Gjatë vitit 2023 janë regjistruar 784 persona të vdekur, që është për 2 numër më i madh se i një viti më parë.