Klubi me traditë në hendbollin kosovar, Vëllaznimi, ka vendosur të tejkalojë vështirësitë që e kapluan për një kohë të gjatë. Vëllaznimit me synime të reja ka gjasë ti kthehet nami në kampionatin e ri që fillon me 15 shtator, kur nga 12 skuadra, do të qëndrojnë vetëm 8 sish, pra kur konkurrenca për mbetje në elitën e hendëbollit kosovar do të jetë tejet e rreptë.
Në vazhdën e riorganizimit për edicionin e ri, skuadra gjakovare ka bërë disa përforcime dhe ka emëruar shtabin e ri teknik me ish hendëbollistë.
Pas Valbon Shalës dhe Endrit Pejës, të cilët lanë Kastriotin, respektivisht Besa Famiglian për t’iu bashkuar Vëllaznimit, ‘kuqezinjtë’ kanë sjellë në skuadër portierin gjakovar që edicionin e kaluar barti fanellën e Prishtinës, Arbër Currin. Curri është sportistë me kualitete të larta. Për anagzhimet dhe sukseset ishte shpallur edhe sportisti i vitit në komunën e Gjakovës .
Në anën tjetër, nuk kanë munguar as ndryshimet në shtabin teknik, ku trajner është emëruar Leonard Culaj, ndërsa ndihmës të tij do të jenë Driton Dylhasi e Bekim Dashi i cili do te punoi me poertier.
