Friday, March 29, 2024
AktualeKulturë

Interpretohen vepra të njohura muzikore

Koncert shkolla muzikes 1Në holin e shkollës së muzikës Prenk Jakova , të mërkurën në mbrëmje u shfaq një koncert I mësimdhënësve të kësaj vatre të muzikës, me interpretime të veprave të kompozitorëve Handel, Schubert, Mozzart, Tossti, Rithmuller, Pleyel, Zadeja dhe Kaponja. Tingujt e violinës, pianos, klarinetës, flautes dhe fagotit nga interpretët: Nezahate Shala-Zeka, Mimoza Kurshumlija, Kaltrina Krasniqi, Meriton Ferizi, Blendi Bordoniqi, Arbër Gega, Besim Qorri, Shpend Kërleshi, Pleurat Doli, Dalvin Mamusha dhe Rroni Bakalli si dhe zëri I mezosopranos Yllka Kurti u mirëpriten nga adhuruesit e muzikës klasike.

Koncert shkolla muzikesNë këtë koncert ishte i pranishëm edhe profesori i klarinetës Ramazan Kaponja i cili përgëzoi shkollën e muzikës për veprimtari të këtilla muzikore dhe ftoi adhuruesit e muzikës në Gjakovë që sa më shumë të marrin pjesë në të këtilla programe, sepse sipas tij, muzika është vet jeta dhe tingujt pasurojnë shpirtin e njeriut.

Drejtuesit e shkollës së muzikës e nderuan me mirënjohje profesorin nga Tirana që ka themeluar klasën e klarinetës në Akademinë e arteve në Shqipëri për mbështetjen që i ka dhënë nxënësve të kësaj shkolle. Organizatorë të këtij koncerti ishin  prof. Ramazan Kaponja dhe Blendi Bordoniqi.