I takon brezit të ri të mjekëve gjakovarë, që me punën e tij të palodhshme po arrin suksese në fushën e kirurgjisë vaskulare. Është në shërbim të plotë të qytetarëve që kanë probleme me venat. Pacintët flasin fjalë të mira për Dr. Adhurim Koshin, djaloshin gjimnazist i vitit 2008, i cili ka përfunduar Fakultetin e Mjekësisë në Prishtinë. Ka filluar punën si Asistent në Fakultetin e Mjekësisë në Universitetin e Gjakovës “ Fehmi Agani” dhe aty ka punuar deri në tetor të vitit 2018. Në vitin 2016 është punësuar si Mjek në Qendrën Kryesore të Mjekësisë Familjare në Gjakovë dhe ka punuar një vit. Në Nëntor të vitit 2016 ka filluar specializimin në Kirurgji Vaskulare në Qendrën Klinike Universitare të Kosovës e cili ka zgjatur 5 vite dhe pas përfundimit të provimit specialistik ka marr titullin Kirurg Vaskular. Aktualisht, është student i Doktoraturës në Fakultetin e Mjekësisë të UP, në vitin e tretë.
Sipas dr. Adhurim koshit, sëmundjet e venave, janë patologjitë më të shpeshta në Kirurgjinë vaskulare, ku statistikisht rreth 35-40 % e njerëzve kanë probleme me vena duke filluar nga venat e zgjeruara, venat retikulare, venat marimangë e deri te trombozat e venave të thella dhe sipërfaqësore.
Për ta njohur më afër Dr. Adhurim Koshin bëmë një bisedë.
- A mund të na njoftoni shkurtimisht se çka është Kirurgjia vaskulare?
– Kirurgjia Vaskulare është degë e kirurgjisë e cila trajton sëmundjet dhe problemet enëve të gjakut. Kirurgjia vaskulare trajton sëmundjet e arterieve, venave, rrugëve limfatike dhe përfshin trajtimin medikamentoz, trajtimin minimal invaziv si dhe trajtimin kirurgjik të tyre.
- Pse e zgjodhët këtë fushë të mjekësisë?
– Meqenëse, unë gjatë studimeve isha përcaktuar për të specializuar kirurgjinë, zgjodha kirurgjinë vaskulare për arsye se është kirurgji fine, shume sfiduese dhe përfshin një sferë të gjerë të sëmundjeve dhe sistemeve të organizmit. Kirurgjia Vaskulare në mesin e Kirurgjisë njihet edhe si “Mbretëresha e Kirurgjisë” për shkak të rrezikshmërisë dhe kompleksitetit të intervenimeve kirurgjike në enët e gjakut.
- Si nisi rruga jote e aftësimit profesional – shkollimit?
– Kam përfunduar në vitin 2008, shkollën e mesme në Gjimnazin “ Hajdar Dushi” në Gjakovë. Po atë vit, pra në 2008–tën, jam regjistruar në Fakultetin e Mjekësisë në drejtimin Mjekësi e Përgjithshme në Universitetin e Prishtinës dhe e kam përfunduar në vitin 2014. Gjatë viteve të studimeve kam qenë bursist i Universitetit të Prishtinës.
Pasi kam përfunduar studimet kam filluar stazhin e Mjekut të përgjithshëm në Spitalin e Përgjithshëm të Gjakovës dhe në QKUK në Prishtinë për 6 muaj, ku dhe jam licencuar për të ushtruar detyrën si Mjek.
Ne Tetor te vitit 2015, kam filluar punën si Asistent në Fakultetin e Mjekësisë në Universitetin e Gjakovës “ Fehmi Agani” dhe aty kam punuar deri në tetor të vitit 2018.
Në vitin 2016 jam punësuar si Mjek në Qendrën Kryesore të Mjekësisë Familjare në Gjakovë dhe kam punuar një vit.
Në Nëntor të vitit 2016 kam filluar specializimin në Kirurgji Vaskulare në Qendrën Klinike Universitare të Kosovës e cili ka zgjatur 5 vite dhe pas përfundimit të provimit specialistik kam marr titullin Kirurg Vaskular.
Aktualisht, jam student i Doktoraturës në Fakultetin e Mjekësisë të UP, në vitin e tretë.
Poashtu, nga viti i ardhshëm akademik , pra nga muaji tetor 2022, do të jem i angazhuar si Asistent i lëndës së kirurgjisë në Fakultetin e Mjekësisë në Universitetin e Prishtinës.
- I takoni brezit të ri të mjekëve, por sa keni pasur mbështetjen e mjekëve me përvojë gjatë aftësimit tuaj profesional.
– Klinika e kirurgjisë vaskulare si institucioni i vetëm publik i kirurgjisë vaskulare në Kosovë, trajton çdo dite një numër të madh të pacientëve dhe patologjive të enëve të gjakut. Mbështetja nga i gjithë stafi i Kirurgjisë vaskulare ka qenë maksimale duke na përgatitur që në hapat e para ë Kirurgjisë vaskulare nga historia dhe ekzaminimi i pacienteve, sallën operative, trajtimin e pacienteve dhe plagëve në repart, kujdestarive si dhe ligjërimet e konsultat e përditshme për rastet dhe patologjitë që trajtoheshin.
Gjate 5 viteve në specializim, kemi ndjekur shumë konferenca mjekësore, në lëmin e kirurgjisë vaskulare brenda dhe jashtë Kosovës, ku gjithmonë përkrahja e mjekëve më të vjetër ka qenë e madhe. Jam autor dhe bashkautor i disa punimeve shkencore bashkë me mjekët tjerë në kirurgjinë vaskulare
Në vitin 2018, për dy muaj kam qenë në shkollim jashtë vendit, në Kanton Spital Winterthur në Zvicër, duke ndjekur trajnime në Angiologji me ç`rast kam marr mësimet bazike për ultrazërin e enëve të gjakut dhe në të njëjtin spital gjatë kësaj kohe jam angazhuar në kirurgji vaskulare dhe kirurgji endovaskulare …. (Më gjërësisht në revisten Gjakovapress 163)
