Dhjetëra familje I janë gëzuar tejmase ndërtimit të murit mbrojtës nga uji vërshues, që me vite I ka rrezikuar shtëpitë nga lumi Krena, mirëpo vuajtjet e familjarëve janë këthyer këtyre ditëve pasi punimet e papërfunduara kanë bërë që dheu të rrëshqet akoma më tepër , të rrënohet rruga tek Bregu I Perjucit dhe t ju kanoset seriozisht themeleve të shtëpive.
Këto foto të bëra të dielen flasin më së miri për këtë gjendje të rëndë që kërkon ndërhyrje të shpejët të komunës. Banorët e këtushëm thonë se në mënyrë urgjente kërkohet që hapësira mes murit të ndërtuar dhe bregut të mbetur skaj shtëpive të mbushet me dhe në mënyrë që të ndalohet rrënimi I mëtejmë.
Rruga e mbetur për gjysmë dhe kubëzat e mbetura në ajr, sikurse në foto, flasin më së miri për urgjencen e ndërmarjes së hapave sa më të shpejtë, aq më tepër se cdo reshje shiu apo bore do të merrte me vete sasitë e pakta të dheut që kanë ngelur deri tek themelet e shtëpive.
Ndryshe projekti i ndërtimit të murit mbrojtës në lumin Krena, nga Ura te Krojet e Rexhep Agës e deri tek Ura e Zajmit është realizuar me mbështetjen e Ministrisë së Planifikimit Hapësinor dhe komunës së Gjakovës në kuadër të projektit për ndërtimin e shtratit të lumit në tërë gjatësinë e tij.
