Drejtues të Shoqatës Drini Gjakovë-Shkoder kanë zhvillua një takim pune me ambasadorin e Shqipërisë në Kosovë, Qemajl Mingjozi lidhur me realizimin e projektit madhor Adriatik Alpe. Tema e bisedimit ishte mundësia e realizimit sa ma të shpejtë të projektit të kryer kohë ma herët; për realitetet zhvillimore përparësore që sjell për ekonominë, kulturën, turizmin etj për Veriun e Shqipërisë e Rrafshin e Dukagjinit të Kosovës, për trevat komunare në Malin e Zi ; për lidhjen e Kosovës e të Malit të Zi me Shqipërinë e Bregdetin Adriatik, të rajonit të Gjakovës, Pejës e qyteteve tjera kosovare. Me këtë rast iu dorëzua Peticioni me 10 mijë e 895 firma në mbështetje të Projektit për fillimin dhe përfundimin e Rrugës Bregut të Drinit – Korridorit Adriatik-Alpeve. Sipas drejtuesit, Halil Ahmeti, Shoqata “Drini, Gjakovë-Shkodër”, me seli në Gjakovë, është në pritje në ditët në vazhdim për takime e biseda të tjera me Kryetaren e Kuvendit të Kosovës, Vjosa Osmani, me Kryeministrin e Kosovës, Albin Kurti dhe me Ministrin e Infrastrukturës e Ambientit, Lumir Abdixhiku, për të diskutuar për Korridorin Adriatik-Alpe.
