Këshilli Komunal për Siguri në Bashkësi nën udhëheqjen e kryesuesit Pal Lekaj ka mbajtur te merkuren, takimin e parë për këtë vit ku janë shqyrtuar çështje me rëndësi për gjendjen aktuale në komunë si dhe janë marrur disa konkluzione. Nga kryesuesi Pal Leka dhe nga eprori policor Kristë Gjokaj, komandant i Stacionit Policor në Gjakovë është vlerësuar seë situata e sigurisë në komunën e Gjakovës është e mirë dhe është vlerësuar si më e mira e mundshme.
Me përjashtim të pak rasteve të izoluara por pa ndikime në krijimin e shqetësimeve tek popullata, Gjakova është konstatuar të jetë komuna më e qetë dhe më sigurinë më të madhe në Kosovë.
Komandanti Kristë Gjokaj ka bërë të ditur se krahasuar me peirudhën paraprake të vitit të shkuar situata është dukshëm më e qetë dhe njiherit ka informuar edhe për projektin në realizim “Kush është, kush”! Situatë më e mirë me gjendjen e sigurisë është konstatuar të jetë edhe nëpër shkolla, ku kryesuesi KSBB-së, Pal Lekaj ka pohuar se ndërrimi i menaxhmentit nëpër shumë shkolla ka dhënë rezultate evidente, sidomos në brendi të hapësirave shkollore. Shqetësuese është paraqitur fenomeni i përdorimit të drogës, ndonëse jo në shkallë të lartë por që sjellin shqetësime ku është kërkuar që të goditen dilerët dhe bosët.
“Nuk është ndonjë dukuri e theksuar, por qoftë vetëm edhe një rast i vetëm për ne është shqetësuese dhe duhet që të ndërmarrin masa preventive dhe të jemi në bashkëpunim të përhershëm që kjo dukuri mos të merr përmasa” ka thënë kryesuesi Pal Lekaj. Përsa i përket trafikimit të qenieve njerëzore, komandanti policor Kristë Gjokaj ka pohuar se në dhjetor të vitit 2012 janë arrestuar nëntë persona të cilët janë në procedurë gjyqësore, e disa prej tyre janë ende në paraburgim.
Poashtu nga eprori Kristë Gjokaj është thënë se nuk ka ndonjë fenomen në rritje të kësaj natyre dhe se lokalet tek lokaliteti i ashtuquajtur “Pika e Zezë” janë mbyllur ato lokale ku ka qenë dyshim i bazuar. Si konkluzione nga ky takim kanë dalur që të rritet shtimi i resurseve policore në komunë pasi ka 87 fshatra dhe është një komunë me rajone të gjera, pastaj të vazhdohet ndikimi në vetëdijesimin e qytetarëve, në veçanti minoritarëve për mospërdorim të drogës si dhe konkluzione tjera për një shoqëri sa më të shëndoshë qytetare.Në këtë takim kontributin e tyre e kanë dhënë edhe përfaqësuesit tjerë të institucioneve fetare, shëndetësore, arsimore e të tjerë.