Derisa Kampionati Botëror I futbollit Brazili 2014, ka rrëmbyer tifozerinë futbollëdashëse në botë , tifozeria gjakovare me padurim presin zhvillmet në klubin e tyre të zemres- Vëllaznimin që tashmë është kampion dhe anëtarë I Superligës. Klubi Futbollistik Vëllaznimi, i është gëzuar rikthimit në Raiffeisen Superligën e Kosovës pas një viti garimi në Ligën e Parë.
‘Kuq e Zinjtë’ me tu rikthyer në Superligë dërguan sinjale se nuk do të jenë vetëm turistë por kanë objektiva më afatgjata. E për këtë, kryesia e klubit, do të takohen të martën ku do të diskutojë për synimet që do t ‘i kenë këtë vit dhe për të ardhmen edhe të trajnerit Blerim Mula, i cili pas përfundimit të sezonit të kaluar ka udhëtuar në Turqi, vend ku është duke jetuar tash e disa vjet.
Një anëtar i kryesisë së klubit ka bërë të ditur se në takimin e sotëm të kryesisë do të diskutohet për të gjitha temat që lidhen me klubin, konkretisht për të ardhmen e klubit. Në këtë takim gjithashtu do të konfirmohet pozicioni i trajnerit Blerim Mula, i cili për anëtarët e kryesisë vazhdon të mbetet trajner i klubit.
Ndryshe, vet Mula në një deklaratë më heret kishte të bërë ditur se angazhimi i tij në Vëllaznim ka përfunduar në ditën kur ka përfunduar kampionati i kaluar, ndërsa tani pret që të kontaktohet nga zyrtarët e klubit për të vendosur për të ardhmen, konkretisht për vazhdimin e kontratës me klubin.
