Friday, March 29, 2024
Sporti

KH Vellaznimi: Incidentin e shkaktuan lojtaret e Prishtines

TolloviaPas incidentit të shkaktuar të mërkuren në ndeshjen hendebollistike Vellaznimi- Prishtina , me një deklaratë ka reaguar Kryesia e klubit Vëllaznimi. Po e botojmë reagimin e plotë:
Në kohen kur Federat e Kosoves arriti suksesin më të madh që të anëtarsohet me të drejta të plota në instancat më të larta të hendëbollit botëror ndodhë një incident i cili i qet hije shumë të keqe këtij gëzimi të shumëpritur nga të gjithë hendëbolldashësit e Kosovës.
Rasti i ndodhur në ndeshjen ndërmjet KH Vellaznimi dhe KH Prishtina të zhvilluar në palestren e sporteve në Gjakovë pikërisht në minutën 55:54 pas shënimit të golit nga penalltia nga ana i lojtarit të KH Prishtina Albi Gjuka, lojtari në fjalë gjatë festimit të golit kthehet nga publiku dhe me prekjen e organeve gjenitale dhe me gishterinj si pistoletë gjuan nga ana e publikut dhe e provokon tejmase publikun e shumtë që ishte present  në këtë ndeshje. Pas këtij gjesti publiku u revoltua dhe nisen gjuajtjet me shishe plastike drejt lojtarve të KH Prishtina. Duhet shumë mirë të ceket se nuk ka pas hyrjet e publikut në fushë derisa lojtari tjetër i KH Prishtina Petrit Prekazi godet nënkryetarin e KH Vëllaznimi me shqelm në organ gjenital. Pas kësaj goditje atëherë është acaruar edhe më shumë situata edhe pse gjatë gjithë kohës së incidentit kryesia e KH Vëllaznimi dhe trajnerat e disa lojtar në vazhdimsi i kanë mbrojtur lojtarët e KH Prishtina. Kemi prova dhe inqizime te cilat tregojnë të gjitha rastet se si ka ndodh incidenti dhe ne presim që të gjitha këto te evidentohen nga komisioni i garave dhe komisioni diciplinor. Po ashtu duhet të ceket se gjatë tërë ndeshjes lojtari Petrit Prekazi ka provokuar publikun duke ju treguar gishtin e mesëm dhe se ka fyer gjatë gjithë kohës qytetin dhe të gjithë qytetaret e gjakovës.
Ndërprerja e kësaj ndeshje dëmton jashtzakonisht shumë imazhin synimet e Federates së Hendbollit të Kosovës, andaj ne si kryesi e KH Vëllaznimi kërkojmë nga organet kompetente të Federatës së Hendbollit të Kosovës që të merr masa shumë të rrepta për akteret e këtij incidenti dhe të jenë korrekte rreth dënimeve që do ti shqiptojnë, në të kundërtën nëse nuk ndëshkohen akteret dhe nuk dënohet KH Prishtina për gjithë incidentin ne do të tërhiqemi nga garat.
 
Kryesia e KH Vëllaznimi