Komuna e Gjakovës ka vendosur ti shpall luftë korrupsionit dhe në këtë aktivitet është angazhuar për projekte që qojnë në realizimin e këtij synimi. Kështu, për një projekt të tillë është biseduar të mërkurën mes kryetares së komunës Mimoza Kusari Lila dhe shefit të UNDP-së në Kosovë, Endru Rasell me të cilin është firmosur memorandumin e bashkëpunimit lidhur luftimin e korrupsionit në të gjitha nivelet komunale.
Projekti në fjalë është mirëpritur nga e para e komunës Kusari-Lila, e cila ka thënë se “zotimet tona që të çrrënjosim korrupsionin, ka ndikuar dhe ka joshë mbështetjen e UNDP-is që Gjakova të jetë përfituese e këtij projekti, e dyta në Kosovë, pas Prishtinës. Kryetarja Kusar- Lila, ka thënë se ky është projekti i tret me radhë që Gjakova ka përfituar, brenda një kohe shumë të shkurtër. Bashkëpunimi me ndërkombëtarët dhe projektet e fituara pa dyshim se në Komunën e Gjakovës, do të rezultojnë në ngritjen e nivelit të shërbimeve, fondin e kuadrove, rritjen e transparencës, rritjen e ritregimeve sociale, qëndrueshmërinë ekonomike e tjera ka thënë Kusari-Lila.
Ndërkohë, shefi I UNDP-is në Kosovë Andreë Russell, ka thënë se ne jemi këtu për të ndihmuar në realizimin e objektivat që ka caktuar komuna lidhur me ngritjen e nivelit të jetës së qytetarëve, të parandalimit të aktiviteteve korruptive, dhe jemi të bindur që ky projekt, në komunën e Gjakovës do të ketë sukses, ka saktësuar ndër të tjera Russell. “ E përuroj kryetaren e Gjakovës Mimoza Kusari-Lila për guximin që ka marrë në implementimin e këtij projekti- Programin antikorrupsion”, ka thënë Russell.
Tutje ka thënë Russell se “Programet Zhvillimore të Kombeve të Bashkuara, kanë për qëllim, çrrënjosjen e varfërisë dhe pabarazisë sociale, dhe bashkërisht me liderët e komunave të implementojmë projekte edhe të natyrave tjera që do të jenë në të mirë të qytetarëve sidomos në uljen e shkallës së korrupsionit, që fatkeqësisht Kosova është në një shkalla mjaftë të ulët”, ka thënë Russell.