Friday, June 7, 2024
AktualeLajmeSporti

Komuna ndan 70 mijë euro për klubet sportive

subvencionetKomuna e Gjakovës do të ndaj 70 mijë euro për klubet dhe shoqatat sportive për këtë vit. Futbolli, Hendboli dhe Basketbolli do të kenë përparësi në shumën e mjeteve të ndara nga subvencionet. Klubi I futbollit Vëllaznimi do të ketë 15 mijë euro, hendëboli për meshkuj dhe basketbolli nga 10 mijë euro e kështu me radhë.

Kjo u bë e ditur të hënën  në takimin që drejtuesit e Drejtorisë për Kulturë Rini e sporte e mbajtën me udhëheqësit e klubeve dhe shoqatave sportive.

Pakënaqësinë më të madhe e shprehen drejtuesit e ekipeve të hendëbollit dhe basketbollit për femra. Vëllaznimit dhe Shqiponjes iu ndanë nga 3 mijë euro ndërsa vashave basketbolliste të Vëllaznimit iu ndanë 2 mijë euro, dhe ky ishte shkas që drejtuesit e ktyre klubeve e quajtën si padrejtësi. Ata mendojnë se në këtë rast ekipet e femrave,anëtare të superligës , në vend se të kenë prioritet në ndarjen e buxhetit, ato nënvleftësohen. I pakënaqur është shprehë edhe përfaqësuesi i klubit të boksit Sport center, klub ky që sipas tyre ka nxjerrë kampion vendi dhe bote.Meriton Ferizi drejtor I drejtorisë për kulturë rini e sporte theksoi se buxheti vogël I kësaj drejtorie nuk jep mundësi më të mëdha për mbështetje. “Fillimisht kanë qenë të ndara 40 mijë për sport, por ne kemi marrë nga sektori I rinisë edhe pjesën tjetër për të kënaq sadopak kërkesat e klubeve dhe shoqatave sportive”, ka thënë Ferizi.

Lista e klubeve që kanë përfituar nga subvencionet e DKRS-së

KF “Vëllaznimi”: 15,000 €
KF “Luftëtari”: 3,000 €
KF “Rilindja”: 3,000 €
KF “Liburni”: 1,500 €
KH “Vëllaznimi” (meshkujt): 10,000€
KH “Vëllaznimi” (femrat): 3,000 €
KH “Shqiponja” (femrat) 3.000+2.000(turneu ndërkombëtarë)
KB “Vëllaznimi” (meshkujt): 10,000 €
KB “Vëllaznimi” (femrat): 2, 000 €
KB “Vëllaznimi” (P.A. të kufizuara): 500 €
KK “Jehona”: 1,000 €
KS “Pashtriku”: 1,500 €
KÇ “Gjakova 137”: 2,000 €
KB “Gjakova 137”: 1,000 €
KB Kikbox: 1,000 €
KA “Vëllaznimi”: 500 €
KP “Vëllaznimi”: 1,000€
Klubi Shigjetarisë: 500 €
KN “Vëllaznimi”: 500 €
KT “Sporek”: 1,000 €
Personat me aftësi të kufizuar:1,000€ Shoqata e Bjeshkatarëve: 1,000 €
Klubi i peshkatarëve: 500 €
KSH. “Vëllaznimi”: 500 €
KSH “Jakova”: 500 €
Garat e Urës Fshejtë: 3, 000 €
Klubi i Atletikës

Totali: 69,500.00 €